بچوں کو سبق کیسے یادکروائیں؟
تحریر:ڈاکٹرظہوراحمددانش
(دوٹھلہ نکیال
آزادکشمیر)
ہم تو اپنی زندگی گزار چکے ۔اب ہماری ہر خواہش اور خوشی کا
تعلق ہماری اولاد سے ہے ۔ہم چاہتے ہیں کہ ہماری اولاد بہترین تعلیم حاصل کرے ۔اچھے
عہدوں پر فائز ہو۔ترقی و عروج ان کا مقدر ہو۔جو ادھورے خواب رہ گئے وہ اب ہماری
اولاد پوراکرے ۔یہ ہماراعمومی مزاج ہے ۔
قارئین:ان خواہشوں کے پوراکرنے کے لیےایک پوراjourneyہے ۔ایک طویل محنت کا سفرہے ۔جس میں والدین نے ثابت قدمی سے چلتےرہناہے ۔اس سفرمیں ابتدائی طورپر بچوں کو اسکول یامدرسہ انرول کرواناپھر اسکول و مدرسہ سے ملنے والی مشقوں وکام کو مکمل کرناہوتاہے ۔بچوں کو وہ سبق یادکرناہوتاہے ۔اب سوال یہ ہے کہ بچوں کو سبق کیسے یادکروائیں؟تاکہ وہ اچھے سے سبق یاد یادکرکے تعلیم کے میدان میں بہتر نتائج دے سکے ۔آئیے ہم جانتے ہیں کہ ہم بچوں کو کیسے سبق یاد کروائیں
۔
v ۔ پیارے قارئین ۔بچے کو سبق یاد کرانے کا
بہترین وقت وہ ہوتا ہے جب وہ تھکا ہوا نہ ہو اور نہ ہی کسی پریشانی میں مبتلا ہو۔
خوشی اور تفریح کے موڈ میں بچہ ہر چیز آسانی سے یاد کرلیتا ہے۔ دلچسپ انداز اور
کہانی کی صورت میں بچے کو سبق اچھی طرح یاد کروایا جا سکتا ہے۔
دولت مند بننى كى طریقے سیکھنے کے لیے کلک کریں
v
۔قارئین
بچے کو وقفے وقفے سے سبق یاد کروایا جائے۔
مثال کے طور پر اگر بچے کو ایک نظم ایک وقت میں دس بار پڑھائی جائے اور یہ خیال ہو
کہ اسی وقت بچہ نظم یاد کرلے تو اس سے مایوسی ہوگی۔ اس کی بجائے بہتر ہے کہ بچے کو
جب وہ تازہ دم ہو تو وقفے وقفے سے پڑھائی جائے۔ اس طرح بچے کو وہی نظم بغیر کسی
مشکل کے یاد ہو جائے گی۔
v
محترم
قارئین ۔ بچے کو اگر کوئی بات ایک یا دو مرتبہ بھول جائے تو اسے کند ذہن یا نالائق
کہہ کر اُس کی دل آزاری اور حوصلہ شکنی نہ کی جائے، بلکہ اس وقت مختلف انداز سے اس
کی حوصلہ افزائی کی جائے۔
یہ بات یاد رکھنی چاہیے کہ ہر بچے کی یادداشت ایک جیسی نہیں ہوتی۔ ہر
بچہ ہر مضمون میں اول نہیں آ سکتا۔ کمزور یادداشت والے بچوں کو یہ باور نہ کروایا
جائے کہ وہ خاص شفقت اور توجہ کے محتاج ہیں۔ محض بھول جانے کی عادت یا کمزوری کی
وجہ سے ان پر کسی قسم کی سختی کرنے یا اُنہیں برا بھلا کہنے سے ان پر برے اثرات
مرتب ہوں گے۔
v ۔ بچے پر کام کا حد سے زیادہ بوجھ نہ ڈالا جائے۔ تھکاوٹ عارضی طور پر بچے کی یادداشت اور اعصاب پر برا اثر ڈالتی ہے۔ اگر بچے کو آرام، کھیل کود اور تفریح کے لیے مناسب وقت فراہم کیا جائے تو بعد میں بچہ آسانی سے سبق یاد کر سکتا ہے۔
v
۔ بچے
کی رات کی نیند ضرور پوری ہونی چاہیے۔ جو بچہ شام کے وقت کوئی چیز یاد نہیں کرسکتا
جب رات کی پرسکون نیند کے بعد صبح تازہ دم اُٹھے گا تو وہی چیز اُسے با آسانی یاد
ہو جائے گی۔
v
۔ سبق
یاد کرنے کے لیے بچے کا صحت مند ہونا ضروری ہے، اس لیے بچے کو سادہ، زود ہضم اور
قوت بخش غذا دینی چاہیے۔ بچے کو ایسی چیزیں کھانے پر مجبور نہ کیا جائے جن کو وہ
پسند نہیں کرتا۔ ہر وقت یا بار بار بچہ اگر کچھ کھاتا پیتا رہے تو اس سے بھی اس کے
معدہ اور صحت پر بُرا اثر پڑتا ہے۔ لہٰذا بچے کے کھانے کے اوقات میں اتنا وقفہ
ضرور ہونا چاہیے کہ پہلی غذا ہضم ہوجائے، ورنہ وہ بچہ غبی اور کند ذہن ہو جائے گا۔
بچوں کو خطاطی سکھائیں ۔۔۔کلک کریں مضمون پڑھیں
v ۔ بعض اوقات اولاد کی بیماریوں سے والدین کی غفلت بھی بچوں کی یادداشت پر اثر انداز ہوتی ہے، لہٰذا بچوں کا علاج کسی اچھے ڈاکٹر سے بروقت کروانا چاہیے۔ اس طرح بچے کا مرض دور ہوتے ہی، اس کی یادداشت کی قوت بحال ہو جاتی ہے۔
پیارے قارئین :
میں گزشتہ 15سال سے شعبہ تعلیم سے وابستہ ہوں ۔ٹیچنگ کے تجربہ اور ایک والد ہونے کی حیثیت سے میں نے اپنے تجربات ،مشاہدے اور مطالعے کی روشنی میں بچوں کو یاد کرنے کے حوالے سے اہم نکات پیش کئے ہیں جن کی مددسے آپ اپنے بچوں سبق یاد کروانے میں بہترین مدد گار ثابت ہوسکتے ہیں۔
امید ہے کہ ہماری کوشش آپ کے
لیے معاون ثابت ہوگی ۔ہماراعزم ہے کہ نسل نوکی عمدہ تعمیر ۔اس سفر میں آپ بھی
ہمارے ہمسفر بنیں اور ان مضامین و کوششوں کو عام کیجئے ۔اللہ کریم ہم سب کا حامی و
ناصرہو۔
تبصرے
ایک تبصرہ شائع کریں