بچے کو نماز پڑھنا سیکھائیں
تحریر:ڈاکٹرظہوراحمددانش
ہرسمجھدار
والد یا والدہ یہ چاہتے ہیں کہ ان کی اولاد عبادت گزار بنے ۔نماز پڑھے ۔لیکن سوال
یہ ہے کہ بچوں کو نماز پڑھنا آپ نے سیکھایابھی ہے کا فقط آپ یہ خواہش رکھتے ہیں
کہ وہ نمازی ہوجائے ۔پیارے قارئین اس کے لیے آپ کو نماز کا طریقہ اپنے بچوں کو
بتانا ہوگاکہ نماز ایسے پڑھی جاتی ہے ْ
قارئین:جب آپ کا بچہ جب سات
سال کا ہو جائے تو اسے نماز ادا کرنے کی کا شوق دلائیں ۔
ایک اہم بات وہ یہ کہ بچے گھر میں زیادہ تر اپنی ماں کے زیر سایہ رہتے ہیں۔ ماں انہیں جو سکھاتی ہے وہ جلد ہی سیکھ جاتے ہیں۔ اس لیے اچھی ماں کا یہ فریضہ ہے کہ وہ چھوٹی عمر میں ہی بچے کو اپنے ساتھ نماز پڑھانا شروع کر دے اور جب وہ سات سال کا ہو جائے تو اسے نماز پڑھنے کی تلقین کرے۔ حضور نبی اکرم ﷺ نے بھی اسی کا حکم دیا ہے۔ حضرت عمرو بن شعیب رضی اللہ عنہ بواسطہ والد، اپنے دادا سے روایت کرتے ہیں کہ آپ ﷺ نے فرمایا:جب تمہاری اولاد سات سال کی ہوجائے تو اُسے نماز کا حکم دیا کرو۔
بچے کو نیت کرنے کا طریقہ سیکھائیں ۔ میں نیت کرتا/کرتی ہوں چار رکعت فرض نماز ظہر کی، واسطے اللہ تعالیٰ
کے، منہ طرف کعبہ شریف (اگر با جماعت ہوں تو پھر کہا جائے پیچھے اس امام کے) اللهُ
اَکْبَر۔
ماں باپ کو چاہیے کہ وہ نماز
پڑھنے کا مسنون طریقہ اور نماز کی ظاہری شرائط یعنی (1) طہارت، (2) ستر پوشی، (3)
پابندیِ وقت، (4) تعینِ قبلہ اور (5) نیت کرنے کی تعلیم دیں اور ان کو یہ باور
کروائیں کہ نماز کے مسنون طریقہ اور اس کی پانچ ظاہری شرائط کی پابندی کیے بغیر
شرعی اعتبار سے نماز نہیں ہوتی۔ اس لیے ظاہری آداب پر توجہ مرکوز کرنا ضروری ہے
اور انہیں نماز کو توڑ دینے والے اُمور سے بھی آگاہ کریں۔
نماز کا پریکٹیکل کرکے بچوں کو واضح اور آسان انداز میں ثنا ،قرات ،رکوع و سجود وغیرہ کے بارے میں پوری بات بتائیں کہ کب کیا پڑھنا ہے ۔انھیں وہ تمام دعائی آیات وغیرہ سب زبانی اچھے سے درست مخارج کے ساتھ یادکروائیں اور پھر نماز میں ان کو پڑھنے کا طریقہ بتائیں ۔
والدین اپنے بچوں کو نماز
پڑھنے کے لیے مساجد میں اپنے ساتھ لے جانے کی مشق کرائیں تاکہ بچوں میں باجماعت
نماز ادا کرنے کی عادت پختہ ہو جائے۔
والدین اپنے بچوں کو مذکورہ بالا مراحل سے گزار کر نماز کا پابند بنا
سکتے ہیں۔
ہمیں امید ہے کہ ہماری گزارشات آپ کے بچوں کو نمازی بنانے میں اللہ کے فضل سے مددگار ثابت ہوں گیں ۔ہماری کاوش پسند آئے تو پیارے اللہ پاک کی بارگاہ میں ہماری مغفرت کی دعاکردیجئے گا
تبصرے
ایک تبصرہ شائع کریں