کدو(لوکی) کے بہترین فوائد
السلام علیکم ورحمۃ اللہ !!
وعلیکم السلام ورحمۃ اللہ !!
عبید کیسے ہو؟
کرم رب کا ۔یار کیا پروگرام ہے ۔ہوٹلنگ کا۔اتوار کو KFCیا میکڈونلڈ چلتے ہیں ۔
چل ٹھیک ہے ۔زبردست یار!!
قارئین :یہ رسمی دوستوں کی گفتگو ہے ۔جو میں اور آپ بھی کررہے
ہوتے ہیں ۔جب سے صنعتی انقلاب آیاہے انسان مصنوعات اور مصنوعی چیزوں کی طرف اس
قدرت مائل ہوگیاہے کہ یہ فطرتی چیزوں سے دور ہوتاچلاجارہاہے ۔جس کا نتیجہ یہ ہے کہ
ہر گلی میں اسپتال و کلینک نت نئی بیماریاں اور ان میں الجھا ہواانسان ۔مگر ابھی
بھی اس کو بات سمجھ نہیں آرہی ۔
میرے بزرگوں میں ایک بزرگوں جنھوں نے 115سال عمر پائی
۔آخری وقت تک ان کے اعصاب بھی سلامت تھے اور وہ چل بھی سکتے تھے ۔اس کے پیچھے
پوری سائنس ہے کہ وہ آج کے برگر ممی ڈیڈی نظام میں پیدا نہیں ہوئے تھے ۔بلکہ
انھوں نے فطری اور قدرتی نظام دیکھا اسی کو قبول کیا اور اسی میں زندگی بسر کی ۔
جبکہ ہمارا حال تو یہ ہے کہ 30 سال کی عمر میں آہ او ای کی آوازیں گھوڑوں گھٹوں سے آنا شروع ہوجاتی ہیں ۔بات طویل ہوجائے گی ۔آئیے آج ہم کدو کے بارے میں بتاتے ہیں کہ کدو اللہ پاک کی کتنی بڑی نعمت ہے اور ہمارے لیے کتنا مفید ہے ۔
’’کدّوشریف‘‘ (pumpkin)جسے لوکی بھی
کہا جاتا ہے، ایک معروف سبزی ہے،یہ اللہ پاک
کے پیارے نبی صَلَّی اللہُ تَعَالٰی
عَلَیْہِ وَاٰلِہٖ وَسَلَّم کو بہت
پسند تھا۔
(ابن ماجہ،ج4،ص27،حدیث:3302)
طلبا میٹرک کے بعد کیا کریں مضمون پڑھیں
اور آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم نے
اسے شوق سے تناول فرمایا۔
(بخاری،ج3،ص537،حدیث:5435)
اور اسے ہانڈیوں میں ڈالنے کی ترغیب
دیتے ہوئے ارشاد فرمایا:جب ہانڈی پکاؤ تو اُس میں کدّوزیادہ ڈال لیا کرو کہ یہ غمگین
دل کو مضبوط کرتا ہے۔ غذائیت کے اعتبار سے یہ توانائی بخش سبزی ہے۔ چند فوائد پیشِ خدمت ہیں:
(1)ہلکی آنچ پر
پکائے ہوئے کدّوکے سالن میں فولاد، کیلشیم، پوٹاشیم، وٹامن اے ،وٹامن بی اور معدنی
وروغنی نمکیات وافر مقدار میں پائے جاتے ہیں۔
(2)کدّو معدے کی
تیزابیت اور جلن میں بہت مفید ہے۔
(3)دائمی قبض،
گرم طبیعت اور محنت ومشقت کرنے والے افراد کے لیے کدّواور چنے کی دال کا پکوان
قُوّت بخش غذا ہے۔
(4)کدّوحافظہ
تیز کرتا اور ہرقسم کے دِماغی ورم(سُوجن) کو دُور کرتا ہے۔
(5)کدّوکا گُودا
بچھو کے ڈَنگ پر لیپ کرنے اور اس کا رس مریض کو پلانے سے زہر کا اثر زائل ہوجاتا
ہے۔
(6)کدّو کا
گُودا باریک پیس کر پیشانی پر لیپنے سے سرکا درد جاتا رہتا ہے۔
(7)کدّو کو گلا
کر اس کے ٹکڑے پابندی کے ساتھ کھانا جگر کے مرض میں مفید ہے۔
(8)کدّوکا پانی پینا پیشاب کی بندش اور جلن میں مفید ہے۔(فیضانِ طب نبوی، ص260،پھولوں، پھلوں اور سبزیوں سے علاج،
ص383)
ہمارے روز مرہ کے کھانے کی چیز ہے۔ اور یہ قدرت کا ہم انسانوں
پر احسان عظیم ہے کہ ہمیں سبزی جیسی نعمت عطا کی ہے۔
قارئین :
آپ اپنے گھروں میں سبزیاں ،پھل اور دیسی ہانڈی اور طرز زندگی
اپنا کرتو دیکھیں آپکو خود اندازہ ہوجائے گا۔کدو شریف قدرت کا ایک بہترین عطیہ ہے آپ اس نعمت سے فائدہ
اُٹھائیں ۔اپنے گھر کے کھانوں میں کدوکو رائج کریں ۔خود بھی صحت و تندرستی کی
برکتیں پائیں اور اپنی فیملی کو بھی اس
سبزی سے محظوظ ہونے کے مواقع فراہم کریں ۔میں بحثیت معالج اس کی بہت برکتیں
پائیں ہیں ۔آپ کیوں محروم رہیں ۔آپ بھی کدو شریف کو اپنے کھانوں کی زینت بنائیں ۔اللہ ہم سب کو
صحت سے بہرہ مند فرمائے ۔
نوٹ:
آپ ہم سے طبی مشوروں
کے لیے ان نمبر03462914283/اس وٹس ایپ 03112268353پر رابطہ کرسکتے ہیں
تبصرے
ایک تبصرہ شائع کریں