نظر کی کمزوی کا بہترین علاج

(وظائف)نظر کی کمزوری کا بہترین علاج 

تحریر:ڈاکٹرظہوراحمددانش

آنکھیں اللہ تعالی کی بہترین نعمت اور آپ کی صحت کا ایک اہم حصہ ہیں ۔لیکن کچھ آنکھوں کی بیماریوں کی وجہ سے آپ کی بینائی کم ہو جاتی ہے۔جتنے جلدی ممکن ہو۔ ان بیماریوں کا علاج کروانا بہت ضروری ہے ۔آنکھوں کی بیماریاں یا مثلاً نظر کمزور ہونا ۔ نظر میں دھندلا پن ۔ تھکاوٹ ۔ آنکھوں کا کینسر ۔ کالا موتیا ۔ سفید موتیا ۔ آنکھوں میں درد ہو جانا ۔ آنکھوں کا سرخ ہو جانا ۔ خارش آنکھوں سے پانی بہنا شامل ہیں ۔

لیکن ناظرین و سامعین :ہم آپ کے لیے لائے ہیں بینائی سے متعلقہ بہترین وظائف۔تو پھر پوری توجہ  سے یہ مضمون پڑھ لیجئے

آج کل بچے موبائل اور کمپیوٹر کا زیادہ استعمال کرتے ہیں جس کی وجہ سے بہت جلدی نظر کمزور ہوجاتی ہے۔والدین اس وجہ سے بہت پریشان ہوتے ہیں۔پیدائشی نظر کمزور ہونا۔ بچپن میں کسی چوٹ کی لگنے کی وجہ سے نظر کمزور ہو جانا شامل ہیں۔اللہ کریم پر بھروسہ کرکے آپ پوری توجہ اور یکسوئی کے ساتھ ہماری بات سن لیجئے ۔اللہ پاک نے چاہاتو وہ بینائی کی تمام بیماریوں کو دور فرمادے گا۔

 وظیفہ 

آئیے ہم بینائی سے متعلقہ وظیفہ جان لیتے ہیں ۔

ہر فرض نماز کے بعد  "یَانُوْر" (گیارہ مرتبہ)اور  سورہ ق کی آیت 22: {فَكَشَفْنَا عَنْكَ غِطَآءَكَ فَبَصَرُكَ الْيَوْمَ حَدِيْد} (سات مرتبہ)  انگلیوں کے سروں پر دم کرکے آنکھوں پر ملیں ۔

یہ عمل آپ مستقل جاری رکھیں ۔اللہ پاک کے فضل و کرم سے آپ روزانہ کی بنیاد پر اپنی بینائی میں فرق محسوس کریں گے ۔تو اس عمل کو آپ آج ہی سے پڑھناشروع کرلیجئے اور اس کی برکتوں کو سمیٹ لیجئے ۔

قارئین:

آنکھ کی قدر تو وہی بتاسکتاہے جو اس نعمت سے محروم ہے اللہ پاک ہم سب کی بینائی سلامت رکھے ۔

اس متحان سے ہمیں محفوظ فرمائے ۔آئیے بینائی سے متعلقہ ایک اور وظیفہ جان لیتے ہیں ۔

 وظائف 

آپ یہ وظیفہ :

 ٭اُسْکُنْ اَیُّھَا الصَّدَاعُ وَلَاکُمْ بِاِذْنِ اللہِ وَقُدْرَۃِ اللہِ وَلَا حَوْلَ وَلَا قُوَّۃَ اِلَّا بِاللہِ

تین بار پڑھ کر سر پر دم کریں اور پا نچ بار اس عمل کو دہرائیں انشاء اللہ نظر کو طاقت ملے گی اور آپ خود بینائی میں بہتری محسوس کریں گے ۔اللہ پاک ہر چیز پر قدرت رکھتاہے آپ پورے یقین کے ساتھ یہ وظیفہ کیجئے بہت جلد آپ ہمیں کامنٹ باکس میں خوشخبری سنائیں گے کہ آپ کی بینائی بہت بہتر ہوچکی ہے ۔

قارئین:

یہاں بینائی سے متعلق کچھ میڈیکل سے تعلق رکھنے والی کچھ اہم باتیں بھی ہم آپ کو بتاتے چلیں ۔

نمبر1. وٹامن اے یہ گاجر میں پایا جاتا ہے۔یہ آنکھوں کے لئے بہت فائدہ مند ہے اس کے مسلسل استعمال سے نظر کی کمزوری ختم ہوجاتی ہے۔ہم گاجر کچی بھی کھا سکتے ہیں اور اس کا رس پی سکتے ہیں۔

نمبر2۔ وٹامن سی ہماری صحت کے لئے بے حد ضروری ہے ہے وٹامن سی ٹماٹر۔ سنگترے ،اسٹرابیری ، لیمن اور کیوی میں پایا جاتا ہے۔یہ ہماری آنکھوں کو موتیا کی بیماری سے بچاتا ہے یہ ہماری آنکھوں کے لئے بہت ضروری ہے۔

نمبر3۔ وٹامن ای ایک بہترین اینٹی آکسیڈینٹ ہے ۔یہ خشک میوے اور مچھلی میں پایا جاتا ہے بادام ، مونگ پھلی۔خشک خوبانی ، سورج مکھی کے بیج میں پایا جاتا ہے۔یہ ہماری آنکھوں کو مضبوط بناتا ہے۔۔گاجر پالک اور مچھلی کا زیادہ استعمال کریں۔مگر معالج سے مشورہ ضرور کرلیجئے گا۔

آئیے :ہم نظر کے حوالے سے ایک اور بہترین اور مجرب وظیفہ بھی جان لیتے ہیں ۔

قارئین:
ہر فرض نماز کے بعد اول وآخر تین تین بار درود شریف کے ساتھ آیت کریمہ: فَکَشَفْنَا عَنْکَ غِطَاءَ کَ فَبَصَرُکَ الْیَوْمَ حَدِیْدٌ

تین مرتبہ پڑھ کر اور دونوں ہاتھوں کے انگوٹھوں کے ناخن والے حصہ پر دم کرکے آنکھوں پر پھیرلیا کریں، إن شاء اللہ آپ کی بینائی ٹھیک ہوجائے گی۔آپ نظر کی تکلیف سے نکل جائیں گے ۔

آپ اپنی آنکھوں کی قدر کیجئے انھیں اللہ پاک ک بہت  بڑی نعمت سمجھیں ۔موبائل اور دیگر ایسی چیزوں کا استعمال کم سے کم یا پھر احتیاطی تدابیر کے ساتھ کیجئے ۔اللہ پاک ہم سب کی نظروں کو باحیابنائے اور ہماری نظروں کو ہمیشہ سلامت رکھے ۔

اللہ پاک ہم سب کا حامی و ناصر ہو۔