انجیر کے فوائد
تحریر:ڈاکٹرظہوراحمددانش
(DHMS,RHMP)
میں صحت مند رہنا چاہتاہوں
یہ میری خواہش ہے لیکن سوال یہ ہے کہ حفظان صحت کے اصولوں کے مطابق میں زندگی بھی
گزاررہاہوں یا نہیں اپنی زندگی میں وہ غذائیں استعمال کررہاہوں جن کا غذااور
غذائیت سے تعلق ہے ؟اگر نہیں توپھر آپکا اور میرا صحت کی فقط خواہش رکھنا ایک
خواب ہے بس وہ خواب جس کی تعبیر نہیں ۔ہمیں صحت کے اصولوں کے مطابق اپنے شب و روز بسر کرنے
ہوں گے ۔
قارئین :
اس مضمون میں ہم آپ کو قدرت کا عظیم عطیہ اور بہت ہی پیاری نعمت کے بارے میں بتانے جارہے ہیں جس میں آپ کے لیے پوشیدہ ہیں صحت و تندرستی کے
حوالے سے بہت سے فوائد ۔جی ہاں ۔آپ نے انجیر کا نام تو سناہوگا۔ممکن ہے کھایابھی
ہو۔لیکن کبھی سوچا کہ اللہ پاک نے اس میں آپ کے لیے کتنے فوائد رکھے ہیں ؟ہم بتانے
جارہے ہیں انجیر کے فوائد ۔آپ پوری توجہ کے ساتھ یہ مضمون پڑھیں ۔یہ فوائد ہم نے
مستند اور بہترین کتب سے جمع کئے ہیں ۔آئیے انجیر کے فوائد پڑھتے ہیں ۔
(1)امام ذہبی رحمۃ اللہ تعالیٰ علیہ فرماتے ہیں:اَنجیر میں دیگر تمام پھلوں کے مقابلہ میں بہتر غِذائیت ہے۔(2)اَنجیربواسیر کوختم کر دیتا اور جوڑوں کے دَرد کیلئے مفید ہے(3) اَنجیر نہار منہ کھانے کے عجیب و غریب فوائد ہیں
(4) خشک انجیر سخت ہوں تو اُن کو کم و بیش 25 مِنَٹ پانی میں بِھگو دیجئے اور دھو کر چھاؤں میں سکھا دیجئے اِن شاء اللہ عَزَّوَجَلَّنرم ہو جائیں گے۔ سبزیاں ، پھل، خشک میوے وغیرہ ممکنہ صورت میں دھو کر ہی استِعمال کئے جائیں تا کہ جراثیم کُش اَدوِیہ کا اثر دُھل جائے(5) اگر خُونی بواسیر ہو تو پانچ عدد اَنجیر ٹکڑے کرکے پاؤ بھر دودھ میں اُبال کر ٹھنڈا کر کے روزانہ سونے سے پہلے کھا لیجئے ۔ اِن شاء اللہ عَزَّوَجَلَّ تھوڑے ہی دِنوں میں خون بند ہو جائیگا ۔ یہ عمل مستقل جاری رکھیں تو بَہُت اچھا ہے(6) خشک بواسیر کے سبب بَہُت درد ہوتو پانی میں ایک چَمَّچ شہد ملا کر اس کے ساتھ نَہار منہ یعنی ناشتہ سے قبل اور اگر روزہ ہو تو افطار میں خالی پیٹ پانچ عدد اَنجیر روزانہ کھایئے
ہنسنا منع ہے ۔مضمون تو پڑھ لیں
(7) تازہ اَنجیر کا رَس نچوڑ کر مَسّوں کو لگایا جائے تو مسّے جھڑ جانے کی امّید ہے(8) جن کو بواسیر کی تکلیف کم مگر بد ہَضمی زیادہ ہو وہ ہر کھانے سے قبل تین عدد اَنجیر کھا لیں(9) جن کے پیٹ میں بوجھ ہو جاتا ہو وہ ہر بار کھانا کھانے کے بعد تین عدد اَنجیر کھالیں(10)اَنجیر موٹے پیٹ کو چھوٹا کرتا اور موٹاپادُور کرتا ہے(11) کَمَرکے درد والے روزانہ سات عدد اَنجیر کھا لیا کریں(12)جس کو قبض رہتا ہو وہ روزانہ نَہار منہ5 عدد اَنجیر کھا لیجئے(13) اَنجیر کھانے سے حیض کے خون میں اِضافہ اور دُودھ میں زیادَتی ہو تی ہے(14) اَنجیر میں کھانسی اور دَمے کا علاج ہے(15) اَنجیر چہرے کا رنگ نِکھارنے کیلئے مفید ہے(16) اَنجیر پُرانی بلغمی کھانسی کیلئے نَفْع بَخش ہے(17)اَنجیر بلغم کو پتلا کر کے ہی نکال دیتا ہے (18)اَنجیر پیاس بجھاتا ہے(19) اَنجیر کا گُودا بخار کے دَوران مریض کے منہ کو خشک نہیں ہونے دیتا(20) مَیتھی کے بیج اور اَنجیر پانی میں پکا کر خوب گاڑھا کر کے اس میں شہد ملا کر کھانے سے کھانسی کی شِدّت میں راحَت ہوتی ہے(21) اَنجیر گُردہ اور مَثانہ (یعنی پیشاب کی تھیلی) کی سوزِش کیلئے مفید ہے۔
(22) سفیداَنجیر سب سے بہترین مانا جاتا ہے۔ یہ گُردہ، مَثانہ اور پِتّے کی پتھری کو حل کر کے نکال دیتا ہے(23)اگر کسی کے گُردے فیل ہوں اور وہ طویل مدّت تک اَنجیر استِعمال کرے تو بِفَضلہ تعالیٰ اُس کو صحت مل سکتی ہے(24)اَنجیر پیٹ کی رِیح کو باہر نکالتا ہے(25) انجیر اور بادام ملا کر کھائیں تو پیٹ کی اکثر بیماریاں دُوربھاگتی ہیں(26) اَنجیر حَلق کی سوزِش ،سینہ کے بوجھ اور پھیپھڑوں کی سُوجن میں فائدہ کرتا ہے(27) اَنجیر جِگر او ر تِلّی کو صاف کرتا ہے(28) اَنجیر جِگر او ر پِتّے کے سُدّے یعنی گندی گانٹھوں کو نکالتا ہے
(29) اَنجیر چھاتی کی پُرانی سوزِش کیلئے نفع بخش ہے(30)اَنجیر کو جوش دیئے ہوئے پانی کے غَرارے کرنے سے مسوڑوں اور گلے کی سوزِش کم ہوتی ہے(31) خشک اَنجیر کو جَلا کر اُس کی راکھ سے منجن کرنے سے دانت کا مَیل اور دَھبّے دُور ہوتے ہیں (32)جَو شریف کی روٹی اور اَنجیر مِلا کر کھانا مُتَعَدَّددِماغی اَمراض کا علاج ہے(33)اَنجیر بلڈ پریشر (B.P.) اور کولیسٹرول (CHOLESTROL) کے مریض کیلئے مفید ہے۔
سبحان اللہ !!
جی قارئین :ہیں
نا انجیر کے بہت سے فائدے ۔توپھر دیر کس بات کی اپنی زندگی میں معقول اور مناسب
انداز میں اس کا خود بھی استعمال کریں اور اپنے پیاروں کو بھی قدرت کی عطاکردہ
نعمت کے استعمال کا ذہن دیں ۔اللہ کریم ہمیں صحت و سلامتی عطافرمائے ۔ہماری کوشش آپ کے
فائدہ مند ثابت ہوتو ہماری مغفرت کی دعاکردیجئے گا۔کیونکہ یہ مضامین خالصتا اللہ
پاک کی رضا اور آپ کی بھلائی اور بہتری کی نیت سے تحریر کرتاہوں ۔اس ایک مضمون کے
پیچھے کئی کتب کا مطالعہ ،مشاہدہ اور کئی دنوں کی محنت ہوتی ہے ۔اللہ پاک ہم سب کا
حامی و ناصر ہو۔
نوٹ:آپ ہم سے طبی
مشوروں ،کیرئیر کونسلنگ ،آن لائن مختلف کورسسز کے لیے بھی باآسانی رابطہ کرسکتے
ہیں ۔
رابطہ نمبر:03462914283/وٹس ایپ:03112268353
تبصرے
ایک تبصرہ شائع کریں