جدید ٹیکنالوجی کی ضرورت
کیوں؟
تحریر:ڈاکٹرظہوراحمددانش
جب جب ٹیکنالوجی کی بات
ہوتی ہے ۔انسان کے ذہن کے بند کواڑ کھُل جاتے ہیں سوچوں کے دھارے وسیع ہوجاتے ہیں اس کی وجہ یہ ہے کہ اس
ٹیکنالوجی نے انسان کو بظاہر کئی ناممکنات
کو ممکن کرتے دکھادیا۔جس سے انسان ٹیکنالوجی سے مانوس ہوگیا۔اور جدید سے جدید تر
کی تلاش میں سرگرداں ہے ۔آئیے ہم کچھ ٹیکنالوجی کی ضرورت اور اہمیت پر بات کرلیتے
ہیں ۔
ٹیکنالوجی دنیا میں آئی
اور اس نے انسان کو اپنا عادی بنا لیا، اب انسان ٹیکنالوجی کا عادی ہو چکا ہے اور
اس کے بنا نہیں رہ سکتا۔ انسان ہمیشہ سے اپنے لئے آسانی ڈھونڈتا رہا ہے اور اس
مقصد کے لئے طرح طرح کی نئی ٹیکنالوجی تیار کر لی۔ہماری زندگی میں ایجادات کا
سلسلہ جاری ہے روزانہ بیسیوں چیزیں ایسی دیکھنے میں آتی ہیں جنہیں دیکھ کر انسان
دنگ رہ جاتا ہے۔ زندگی کے مختلف شعبہ جات مثلاً زراعت، توانائی، تجارت، سفر اور
رابطوں کے لئے ٹیکنالوجی نہایت اہم کردار ادا کر رہی ہے۔وقت گزرنے کے ساتھ ساتھ
بہتر زرعی پیداوار کے لئے زرعی مشینری، توانائی کے حصول کےلئے جدید نیوکلر، شمسی
اور ہوا کی توانائی کا استعمال شروع کر دیا گیا ہے۔انسان نے زمین سے اپنے سفر کا
سلسلہ گھوڑے اور خچر سے شروع کیا اور اب جدید دور میں گاڑی، ریل گاڑی اور ہوائی
جہاز پر سفر کر رہا ہے۔جدید دور کے انٹرنیٹ نے برقی پیغامات یعنی ای میل اور چیٹ
کے ذریعے پیغام رسانی کو آسان بنا دیا ہے اور اس طرح انسانوں کے درمیان دوریاں ختم
ہو گئی ہیں۔ انسان دنیا میں کہیں بھی بیٹھا ہو، اپنے کسی بھی عزیز سے ای میل اور
چیٹنگ اور وائس چیٹ کے ذریعے بات چیت کر سکتا ہے۔
ٹیکنالوجی نے دوریوں
اور فاصلوں کوختم کر دیا ہے۔ موبائل فون جدید دور کی اہم ٹیکنالوجی ہے۔ دور حاضر
کی اس جدیدٹیکنالوجی نے انسانی رابطوں کے سلسلے کو آسان بنا دیا ہے اور مسلمان کے
لئے صلہ رحمی اور رشتہ داری نبھانا ، دور دراز کے رشتہ داروں کے حالات
سے باخبر رہنا آسان ہوگیا ہے۔
https://islamicrevolutionpk.blogspot.com/2023/09/blog-post_60.html
انسان نے
کمپیوٹرٹیکنالوجی کو ایجاد کر کے اپنے بیشتر مسائل کوحل کر لیا ہے اور زندگی کے ہر
شعبے میں کمپیوٹر اہم جز بن گیا ہے۔اکیسویں صدی کی زندگی میں کمپیوٹر بہت اہمیت
رکھتاہے۔ حساب کتاب، ڈیزائننگ، اردو اور انگلش ٹائپنگ، موبائل، ویب اور دیگرسوفٹ
ویئرز نے متعدد معاملات کو آسان بنا دیا ہے، سوفٹ ویئرز کے آنے سے پہلے ان معاملات
کوحل کرنے میں بہت مشکلات پیدا ہوتی تھیں۔
اس کے علاوہ انٹرنیٹ کی
بدولت گھر بیٹھے کاروباری لین دین بھی آسان ہو گئی ہے۔ یونیورسٹیز میں ٹیکنالوجی
کے ذریعے آن لائن تعلیم کا نظام متعارف کرا دیا گیا ہے، اب جو لوگ کاروبار کے ساتھ
ساتھ تعلیم حاصل کرنا چاہتے ہیں وہ آن لائن تعلیم حاصل کر سکتے ہیں۔ دینی تعلیم کے
میدان میں بھی ٹیکنالوجی نے بہت سہولیات فراہم کی ہیں، بہت سی کتب ڈیجیٹل موڈ میں
انٹرنیٹ پر دستیاب ہیں جن تک رسائی پہلے عام طالب علم کے لئے نہایت مشکل تھی، بہت
سی قیمتی کتب کا ذخیرہ ، احادیث کی تخریج،اور اہم علماء کے آڈیو ، ویڈیو دروس
بآسانی انٹرنیٹ سے حاصل کئے جاسکتے ہیں۔
قارئین:
ہر چیز کے دوپہلو ہوتے
ہیں ۔ایک مثبت اور دوسرا اس کا منفی پہلو بھی ۔ہم نے ٹیکنالوجی کی ضرورت بیان کی
لیکن اس کا ہرگز یہ مطلب نہیں کہ جدید ٹیکنالوجی کے نقصانات کا خمیازہ انسان کو
بھگتنا نہیں پڑابلکہ اس کا انسان نے سامناکیا لیکن دونوں ہی پہلووں کی اپنی اہمیت
ہے ۔آپ بھی اس دور میں جینا چاہتے ہیں تو آپ کو جدید ٹیکنالوجی سے شناسا ہونا پڑے
گا ورنہ دنیا آپ کو بہت پیچھے چھوڑ کر بہت آگے نکل جائے گی ۔درست سمٹ میں مفید
چیزوں کو لے کر اچھے عزائم کے ساتھ آپ ٹیکنالوجی کو قبول کریں استعمال کریں ۔آپ
اس کے فوائد پائیں گے ۔ابھی تو سائنس ہولوگرافی ،آرٹیفیشل انٹیلیجنس کی جانب تیزی
سے بڑھ رہی ہے ۔بجائے کسی بات کسی کام کسی تبدیلی کو کوسنے کے آپ اس میں اپنی سوچ
اور نذریعے کے مطابق چیزوں کو تیارکرنا شروع کردیں ۔کوسنے سے نہ پہلے کچھ ہوااور
اب کچھ ہوگا۔آپ تیار ہوجائیں ۔ٹیکنالوجی کی دنیا میں انسانوں کے لیے کچھ مثبت اور
مفید کارہائے نمایاں سرانجام دے دیں صدیوں انسان آپ کی کاوش کو یاد رکھیں گے ۔
نوٹ:آپ کیرئیر کونسلنگ ،طبی مشوروں اور آن لائن
کورسسز کے لیے ہم سے رابطہ کرسکتے ہیں ۔
رابطہ نمبر:03462914283/وٹس ایپ :03112268353
تبصرے
ایک تبصرہ شائع کریں