دنیا کا خطرناک علاقہ comfort zone

 

()دنیا کا خطرناک علاقہ

comfort zone

ہم خوش رہنا چاہتے ہیں اور کامیاب بھی ہونا چاہتے ہیں ۔دنیا بدلنے کے دعوے اور تبصرے ہمارے روز مرہ زندگی کا شیڈول بن گیاہے ۔

صبح اُٹھو وہی روٹین وہی رسمی زندگی اور ایسے کرتے کرتے زندگی کا اکثر حصہ بیت جاتاہے ۔

پیچھے پلٹ کردیکھتے ہیں تو پھر خود کو کوستے ہیں ۔یا پھر طفل تسلی دے کر اس دنیا سے گمنام چلے جاتے ہیں ۔

آپکو معلوم ہے ایسا کیوں ہوتاہے ۔و ہ اس وجہ سے کہ ہمcomfort zone میں رہ رہے ہوتے ہیں۔۔

یہ ایک ایسا علاقہ ہے جس میں تحریک اور بہترین کے لیے کوشش کرنے کا جذبہ سرد پڑ 

جاتاہے ۔

اس میں رہتے ہوئے ،آپ زندگی کو بہتر بنانے یا پروفیشنل لائف میں ترقی کرنے ، آگے بڑھنے کی منصوبہ بندی نہیں کرتے۔آپ ایک خاص لیول تک کامیابی ، اپنے گولز حاصل کر چکے ہوتے ہیں لیکن اگلے لیول پر جانے کی کوشش نہیں کرتے ۔ 

کمفرٹ زون میں رہتے ہوئے آپ آرام طلب اور سست ہو جاتے ہیں ۔ اس میں چیزیں آپ کے لیے آسان بن چکی ہوتی ہیں۔ جو عادات پختہ ہو چکی ہوتی ہیں زندگی بس ان کے اردگرد گھوم رہی ہوتی ہے ۔ چیزیں آٹو پائلٹ پر ہوتی ہیں۔ آپ کی زندگی میں ایک روٹین اور 

یکسانیت ہوتی ہے۔ 

قارئین:

زندگی کے اس زون میں آپکا رہن بہت خطرناک ہے بہت خطرناک ہے ۔یہاں رہنے والے اعتماد اور خوشی سے محروم ہوجاتے ہیں ۔ دیمک کی طرح صلاحیتیں ماند پڑ جائیں گیں ۔ہمیں اس انداز سے ڈیزائن کیا گیا ہے کہ ہم صرف اسی وقت اچھا محسوس کریں گے جب ہمارے پاس چیلنج ہوں گے، جب ہم grow کر رہے ہوں۔

اگر خود کو نمایاں اور کامیاب دیکھنا چاہتے ہیں تو ا س علاقے کی شہریت منسوخ کرنی ہوگی ۔اس زون کا حصار توڑ کرنکلناہوگا۔

یاد رکھیں کہ  comfort zone سے باہر جو بھی کام ہو گا وہ آپ کےلیے کچھ مشکل ہو گا۔ جب آپ اس کو کرنے کا سوچیں گے تو یہ آپ کو خوف سے بھر دے گا۔ سوچیں اندیشے مفروضے سرچکرادیں گے ۔اف ایسا ہوجائے گا ۔اف ایسا نہ ہوجائے اف اگر ہوگیاتو ،اگر 

ناکام ہوگیا تو،لوگ کیا کہیں گے ۔ایسے کئی شک وہم کے بادل برستے رہیں گے ۔

کمفرٹ   زون سے باہر جو بھی کام ہو گا اس کے لیے آپ کو اپنی ہمت جمع کرنی پڑے گی ، خود کو بار بار قائل کرنا پڑے گا۔ آپ کو سٹریس میں سے گزرنا پڑے گا۔ آپ کو خود کو stretch کرنا پڑے گا۔ خود کو بدلنا پڑے گا۔ آپ کو پورا زور لگانا پڑے گا۔اس کے لیے آپ کو اپنا علم بڑھانا ہو گا۔ نئی منصوبہ بندی کرنا ہو گی ۔ تخلیقی صلاحیت کو جگانا پڑے گا۔اپنا جائزہ لیں کہ کیا آپ سیلف امپروومنٹ کے لیے کچھ نیا سیکھنے یا کرنے کا سوچ رہے ہیں ؟ جو آپ کے لیے چیلنج ہو۔نئے خوابوں ، نئے منصوبوں پر کام شروع کریں ۔ نئے لیول پر جانے کی تیاری کریں ۔ اپنی زندگی کو جامد نہ ہونے دیں، اس میں نیا ولولہ ، نیا جوش لے کر آئیں ۔زندگی کا مزہ اسی میں ہے کہ کمفرٹ زون سے باہر قدم رکھا جائے۔ کیا آپ اس کے لیے تیار ہیں ؟کمفرٹ زون سے باہر ایک شاندار زندگی آپ کی منتظر ہے۔

آپ ذرا کمفرٹ زون کے علاقے سے نکل کر ذرا باہر جھانک کر تودیکھیں

 ۔دنیا آپ کے استقبال کے لیے منتظر ہے ۔بہت بڑی کامیابیاں آپ کا انتظار کررہی ہیں ۔

باہر تو نکلیں ۔کچھ بھی نہیں ہوگا۔ارے ہاں سچ کچھ بھی نہیں ہوگا۔۔

۔نکل باہر ۔

۔۔توڑوخوف کا دروازہ ،اس وسوسے کی دیوار کو ڈھادو۔۔آپ بہت بڑے آدمی ہو۔خود کو

 پہنچان تو لو۔۔۔۔

comfor zone ایک خاموش زہر ،ایک چھپادشمن اور زندگی کی کامیابیوں و مسروتوں کو چاٹ

 جانے والی دیمک ہے ۔۔۔

اُٹھواور چھاجاو۔۔۔ہاں آپ کرسکتے ہو دوستو!!!!!!!!

تحریر:ڈاکٹرظہوراحمددانش

دوٹھلہ نکیال آزادکشمیر