اللہ پاک کے ناموں کی برکات
اللہ پاک کے نناوے نام ہیں،جس نے ان کے ذریعے دعا مانگی تو اللہ پاک اس کی دعا کو قبول فرمائےگا۔یہاں پر قرآنِ کریم
سے 10 اَسماءُ الحسنیٰ پیشِ خدمت ہیں۔
:1.
الرَّحْمٰن:لفظی ترجمہ : نہایت مہربان۔آیتِ کریمہ:الرَّحْمٰنِ الرَّ حِیۡمِ0( الفاتحۃ:2)ترجمہ: بہت مہربان رحمت والا
۔2. اَلسَّمِیْعُ:لفظی ترجمہ:سننے والا۔آیتِ کریمہ: اِنَّہٗ ہُوَ السَّمِیۡعُ
الْعَلِیۡمُ ۙ0 (پ25،الدخان:6)ترجمہ:بے شک وہی سننے والا، جاننے والا ہے
۔ 3.الْعَلِیْمُ:لفظی ترجمہ: علم والا۔آیتِ کریمہ:اِنَّكَ اَنْتَ الْعَلِیْمُ
الْحَکِیْمُ0(البقرہ:32)ترجمہ:بے شک تو ہی علم والا،حکمت والا ہے
۔4.الْغَفُوْرُ:لفظی ترجمہ:بخشنے والا۔آیتِ کریمہ:وَھُوَ الْغَفُوْرُ الرَّحِیْمُ
0(الاحقاف: 8)ترجمہ : اور وہ ہی بخشنے والا مہربان ہے
۔ 5. الْقَدِیْرُ:لفظی ترجمہ :قدرت والا۔آیتِ کریمہ :وکَانَ اللَّهُ عَلٰی کُلِ
شَیْءٍ قَدِیْرًا0( الفتح:21)ترجمہ : اور اللہ ہر چیز پر قادر ہے
۔ 6. الْبَصِیْر:لفظی ترجمہ : دیکھنے والا۔آیتِ کریمہ :وَکَانَ اللّٰہُ بِمَا
تَعْمَلُوْنَ بَصِیْراً0( الفتح: 24)ترجمہ : اور اللہ تمہارے کام دیکھتا ہے
۔ 7. الْحَکِیْمُ:لفظی ترجمہ:حکمت والا۔آیتِ کریمہ :وَاللهُ عَلِیمٌ حَکِیْمٌ 0( الحجرات:8)ترجمہ:اور الله علم والا،حکمت والا ہے
۔8۔الْعَزِیْزُ:لفظی ترجمہ:عزت والا۔آیتِ کریمہ:وھُوَالْعَزِیْزُ الْحَکِیْمُ0(الحدید:1)ترجمہ:اور وہی عزت والا،حکمت والا ہے
۔9.الْحَمِیْدٌ: لفظی ترجمہ : حمد کے لائق۔آیتِ کریمہ :وَاللَّهُ غَنِیٌ حَمِیْدٌ 0 ( التغابن: 6)ترجمہ : اور اللہ بے پروا، ہر حمد کے لائق ہے
۔ 10. الصَّمَدُ:لفظی ترجمہ : بے نیاز۔آیتِ کریمہ : اللہ الصَّمَدُ0( اخلاص: 2)ترجمہ : الله بے نیاز ہے۔
قارئین:تمام کامیابیوں کاسرچشمہ صرف و صرف اللہ پاک سے محبت اللہ پاک کے حکم کی اتباع اور اس کے حبیب ﷺ سے وفا ہی میں ہے ۔دنیا کے معاملات کے کام ضرور کریں لیکن اس کا ہر گز یہ مطلب نہیں۔کہ اسی دنیا میں ہی کھپ جائیں ۔بلکہ جتنا دنیا میں اتنا دنیا کے لیے اور جتنا آخرت کی ضرورت انتا آخرت کے لیے کوشش کی جائے ۔
اللہ کریم اللہ رحمن اللہ رحیم میرا پیارارب ہم سے بہت پیار
کرتاہے ۔اپنے تمام باتیں اپنے رب سے کرنے کی عادت ڈالیں ۔سکون بھی ملے گا اور
مسئلے کا حقیقی حل بھی نصیب ہوگا۔ہماری تحریر آپکو فائدہ دے تو ہماری مغفرت کی
دعا کردیجئے گا ۔
تحریر:ڈاکٹرظہوراحمددانش
دوٹھلہ نکیال
آزادکشمیر
رابطہ نمبر:03462914283
تبصرے
ایک تبصرہ شائع کریں