دھوپ صحت کے لیے کس قدر مفید ہے،کیا آپ جانتے ہیں؟
تحریر:ڈاکٹرظہوراحمددانش
اف اتنی گرمی ۔اومیرے
اللہ اتنی دھوپ ۔سورج تو سوانیزے پر آیاہوہے ۔دھوپ نے تو مت ہی ماردی ۔یہ وہ جملے
ہیں جو ہم کہیں نہ کہیں سن رہے ہوتے ہیں ۔بے شک تیز گرمی میں انسان کی برداشت کم
ہوجاتی ہے ۔پسینہ بھی آتاہے ۔لیکن اگر میں کہوں کہ یہ سورج اور اس سے نکلتی روشنی
کی کرنیں ،یہ دھوپ بھی قدرت کا عطیہ ہے تو آپ کیا کہیں گے ؟سوچیں گئے تو ضرور ۔ہم
اف اف آہ آہ گرمی گرمی کررہے ہیں ڈاکٹرصاحب ہیں کہ دھوپ کے فضائل بتانے پر تلے
ہوئے ہیں ۔ابھی تک تو آپ کی یہ رائے کسی حد تک درست ہے لیکن یہ مضمون مکمل پڑھنے
کے بعد آپ کہیں گئے کہ ڈاکٹرظہوراحمددانش آپ نے درست کہا۔
تو آئیے وقت
ضائع کئے بغیر اپنے اس مدعاکی جانب۔میڈیکل کے اسٹوڈنت کی حیثیت سے اسٹڈی کرنے پر
معلوم ہواکہ انسانی جسم کی کھال
میں وٹامنD(سوئی ہوئی
حالت)یعنی Inactive form
میں ہوتا ہے۔ اس کانام 7ڈی ہائیڈرو کولیسٹرول( 7-DEHYDRO.CHOLESTROL)ہے۔ جب سورج کی
اَلٹراوائیلِٹ شُعاعیں ULTRA VOILET RAYS انسانی جسم پر پڑتی ہیں توکھال میں سویا ہوا وِٹامن D بیدار ہو کر
مُتَحرِّک(مُتَ۔حَرْ۔رِک) ہوتا اور وِٹامن ڈی3( VITAMIN D3)میں تبدیل ہوکر
خون میں شامل ہوجاتا ہے۔ وہاں سے یہ جگر میں جاتا ہے جہاں اس کو مزید کارآمد بنایا
جاتا ہے پھر یہ گُردوں میں پَہنچ کر مکمَّل طور پر سر گرمِ عمل ہو جاتا ہے۔ اب یہ
وِٹامِن ڈی 3 آنتوں سے کیلسِیَم اور فاسفورَس (PHOSPHORUS)کو خون کے اندر
جَذب کرنے میں مدد دیتا بلکہ اس عمل کو تیزتَر کردیتا ہے۔ اوران کی جومِقدار ہماری
خُوراک میں شامل ہوکر ہماری آنتوں میں پَہنچ رہی ہے اس کو ضائِع نہیں ہونے دیتا
بلکہ تیزی سے اسے خون میں جَذْب کرلیتا ہے۔ کیلسِیَم اور فاسفَورَس ہماری ہڈّیّوں
کی صحيح نَشوونُما کیلئے بے حد ضَروری ہیں۔
https://islamicrevolutionpk.blogspot.com/2023/09/blog-post_10.html
سبحان اللہ
!!میرے کریم تیراکوئی کام حکمت سے خالی نہیں ۔ہر کام میں حکمت ہی حکمت ہوتی ہے ۔آئیے ذرااپنے گھر
میں داخل ہونے والی دھوپ ہی کو دیکھ لیتے ہیں ۔ہمارے گھروں میں کھڑکیوں روشندانوں پر شیشے لگے ہوتے ہیں ۔جن سے اس سے سورج
کی شُعاعیں جو بندکِھڑکیوں کے شیشے سے پار ہو کرانسانی جسم تک پہنچتی ہیں ان میں
اَلْٹَراوائیلِٹ شُعاعیں نہیں ہوتیں لہٰذا ان میں یہ خاصِیَّت بھی نہیں ہوتی کہ
سَوئے ہوئے وِٹامن ڈی 3 کو بیدار کر کے کارآمد بناسکیں ۔
مجھے یاد آیا کہ کسی دانا نے کہاکہ: ایک کہاوت ہے:”جس گھر میں سورج داخِل نہیں ہوتا اُس میں ڈاکٹر داخِل ہوتا ہے۔“ بےشُمار جراثیم ایسے ہوتے ہیں جو دُھوپ اور تازہ ہوا سے مَر جاتے ہیں۔خیر ایک معقول بات ہے ۔مزید بھی کچھ اہم باتیں ہیں وہ بھی آپ سے شئیر کردیتاہوں ۔دھوپ صحت انسانی کے لیے واقعی کتنی مفید شئے ہے ۔
قارئین:ہم دنیا
بھر کی معلومات سرچ کرلیتے ہیں ۔بلکہ ایک بڑی تعداد ہے کہ جو انٹرٹیمنٹ میں لگی
ہوئی ہے ۔کبھی انسانی صحت پر بھی براوز کرلیاکریں تاکہ آپ اور آپ کے پیارے موذی
اور بدترین امراض سے بچ سکیں ۔خیر بات دھوپ کی چل رہی ہے ۔آپ نے ایک 'رِکِٹْس مرض
کا نام سناہوگا۔کبھی سوچا ہے یہ ہے کیاہوتاکیوں ہے ؟
ہم سوسائٹی کا
مطالعہ کریں اور اسپتالوں کاوزٹ کریں تو ہمیں معلوم ہوتاہے کہ ''رِکِٹْس''نامی
بیماری بچّوں میں عام ہوتی جارہی ہے، اس کی وُجوہات میں سے خُوراک میں وٹامِن ڈی3
(VITAMIN D3)کی
کمی بھی شامِل ہے ،مگر سب سے بڑی وجہ تنگ مَحَلّوں اور چھوٹی چھوٹی گلیوں کے اندر
بڑی بڑی عمارَتوں کے بند گھروں میں رہائش ہے ۔ کیونکہ ایسی جگہوں پرسورج کی
اَلْٹَراوائیلِٹ شُعاعیں ULTRA VOILET
RAYS صحيح طور پرانسانی جسم تک نہیں
پُہنچ پاتیں اور نتیجتاً بچّہ RICKETS(رِکِٹْس)کا شکار ہوسکتا ہے، اگر ایسا ہوا تو اس کی ہڈیوں میں ایک
یا ایک سے زیادہ مختلف نَوعِیَّت کے نَقْص(عیب)پیدا ہوجائیں گے۔جوکہ قابل تشویش بات ہے ۔
معلوم ہواکہ دھوپ انسانی زندگی کے لیے کتنا اہم اور ضروری ہے ۔آپ کو جب جب
دھوپ سے استفادہ موقع ملے ضرور استفاد ہ کیجئے ۔اپنے بچوں کو بھی دھوپ کی نعمت سے مستفید
ہونے دیجئے ۔تاکہ وہ اس قدرتی عطیہ کا بھرپورفائدہ اُٹھاسکے ۔ہماری تحریر آپ کے
لیے مفید ثابت ہوتو ہماری مغفرت کی دعاکردیجئے ۔
نوٹ:دور جدید میں مستند معلومات اور ایکسپرٹ و مخلص اساتذہ کا میسر آنایقینا ایک اہم مسئلہ ہے اب آپکو پریشان ہونے کی ضرورت نہیں ۔ہم پیش کررہے ہیں آن لائن مختلف کورس کی سہولت ۔جس کے ذریعے آپ اپنی اسکلز بڑھاسکتے ہیں اور اپنے بچوں کی بہترین تعلیم و تربیت بھی کرسکتے ہیں ۔آپ ہم سے اس نمبر:03462914283اور اس وٹس ایپ :03112268353پررابطہ کرسکتے ہیں ۔
تبصرے
ایک تبصرہ شائع کریں