بچوں کو دعائیں سیکھائیں

بچوں کو دعائیں سیکھائیں

تحریر:ڈاکٹرظہوراحمددانش

دوٹھلہ نکیال آزادکشمیر

اپنے بچوں کو مانگنا سیکھائیں ۔لیکن انسانوں سے نہیں اللہ پاک سے مانگنا سیکھائیں ۔انھیں اپنے رب سے محبت کرناسیکھائیں ۔اپنی اولادوں کے ذہن میں یہ بات راسخ کردیں کہ تمام کام ،تمام مشکلوں کاحل ،تمام خوشیاں  کا حصول ،تمام خواب کی تعبیر اللہ پاک کی عطاسے ہی ہوگی ۔لہذااپنے رب سے تعلق مضبوط کرلو۔انھیں مختلف انداز میں دعاکرنا سیکھائیں ۔کچھ دعائیں ہم پیش کرتے ہیں جو باآسانی یہ ننھے بچے بول سکتے ہیں سیکھ سکتے ہیں۔آپ یہ اپنائیت اور محبت والی والی دعائیں ضرور سیکھائیں ۔قارئین:آئیے وہ دعائیں جان لیتے ہیں ۔

·         یا اللہ ! ہمارے صغیرہ و کبیرہ گناہوں کو معاف فرما۔!!!یا اللہ ! ہمارے ظاہر و باطن کو ہر گناہ سے طہارت دے۔!!!!یا اللہ ! ہمیں اپنی اطاعت کا پیکر بنا دے۔!!یا اللہ ! ہمیں اپنی عبادت میں فنا کر دے۔

بچوں کو کیسے سبق یادکروائیں۔

·         یا اللہ ! ہماری زبان پر اپنا ذکر و شکر جاری فرما دے۔یا اللہ ! ہماری نگاہ کو اپنے قُرب کے حصول کا ذریعہ بنا دے۔!!یا اللہ ! ہمارا چلنا، پھرنا، اٹھنا، بیٹھنا، کھانا، پینا اور دوستی و دشمنی سب کچھ اپنی مرضی اور رضا کے تابع فرما دے۔!!یا اللہ ! ہمیں دنیا و آخرت میں عفو و عافیت عطا فرما۔!!!یا اللہ ! ہمیں حضور نبی اکرم ﷺ کے محبت و عشق میں فنائیت عطا فرما دے۔!!یا اللہ ! ہمیں حضور ﷺ کی تعظیم و توقیر بجا لانے کی توفیق مرحمت فرما۔!!یا اللہ ! ہماری ساری زندگی حضور ﷺ کی سنت و سیرت کے مطابق ڈھال دے۔

·         یا اللہ ! ہمیں ہر قول و فعل میں حضور ﷺ کی اطاعت و اتباع اور پیروی کرنے کی توفیق مرحمت فرما۔

·         یا اللہ ! ہمیں ایسا بنا دے کہ تجھے پسند آجائیں۔!!یا اللہ ! ہماری زندگی کا ایک ایک لمحہ تیرے مقرب بندوں کی طرح بسر ہو۔

·         یا اللہ ! ہمیں اپنے والدین کا اطاعت گزار بنا دے۔

·         یا اللہ ! ہمیں اپنے والدین کی خدمت کرنے کی توفیق عطا فرما۔

·         یا اللہ ! تمام قرض داروں کو قرض سے نجات عطا فرما۔

·         یا اللہ ! ہمیں حج بیت اللہ کی زیارت نصیب فرما۔

·         یا اللہ ! عالم اسلام کو استحکام اور اتحاد عطا فرما۔

·         یا اللہ ! پاکستان کو امن و سلامتی اور خوش حالی کا گہوارہ بنا۔

·         یا اللہ ! سر زمینِ پاک پر نظام مصطفی ﷺ کا سویرا جلد طلوع فرما۔(آمین)

قارئین:جب آپ کے بچے   یہ دعائیں و التجائیں اس ننھی عمر سے کرنا شروع کریں گے تو یہ عادت ان کی قائم رہے گی اور یہ مخلوق کی محتاجی سے نکل کر اپنے پیارے اللہ پاک سے مضبوط تعلق پیداکرکے اسٹریس ،ڈپریشن ،ناامیدی جیسے اندھیروں سے نکل جائیں گے ۔پراعتماد ،توکل ،قناعت و راحت والی زندگی بسر کریں گے ۔اللہ پاک ہماری نسلوں کو نیک و صالح بنائے آمین ،

ہماری کوشش سے آپ مستفید ہوں تو ہماری مغفرت کی دعاکردیجئے گا۔نیکی کی نیت سے یہ مضمون اپنے پیاروں سے ضرور shareكیجئے گا۔