چیٹ جی پی ٹی کا بھوت
تحریر:ڈاکٹرظہوراحمددانش
میں معمول کے مطابق اپنے آفس پہنچاتو کام میں مشغول رہا۔کانٹینٹ ،ریسرچ ،پروموشن کے متعلقہ کام کرہی رہاتھا
کہ میرے ایک دوست میرے پاس آئے اور رسمی باتیں کرتے ہوئے انھوں نے کچھ مایوس کُن جملے داغے ۔۔ڈاکٹرصاحب !!!
ٹیکنالوجی کا بھونچال ہے ۔آپ ریسرچ ،اسکرپٹنگ اور رائٹنگ کرنے والوں کی چھٹی ہونے والی ہے ۔۔
یہ جملے ایک لمحے کے لیے تصور کیجئے گاکہ آپ کو
سنتے ہیں آپ کے ذہن پر کیا گہرے نقوش چھوڑیں گے ۔
میں بھی ایک لمحے کے لیے رُکا ۔دماغ پر بجلی کی سی رفتا رمیں خیالات دوڑنے لگے ۔مگر بات کا سراپکڑائی نہ دے رہاتھا
۔موصوف کی تمہید سُنی ۔میں خاموشی سے بس اتنا کہا کہ ایسا کیا ہونے چلا کہ نیچر سے تعلق رکھنے والے ،کاروان قدرت کے عظیم تخلیقی ذہن کو کوئی replaceکردیا جائے گا ۔
مجھے بھی تو معلوم ہو۔قبلہ نے قدرے کندھے اچک کر ۔ڈاکٹر صاحب چیٹ جی پی ٹی ایک ایسا ٹول ہے جو ہر ریسرچ اور اسکرپٹنگ میں آپ کو لمحوں میں معلومات پیش کردیتاہے ۔
اب اسکیچنگ ،اسٹوری بورڈ
بنانے کی ضرورت نہیں اپنی مطلوبہ بات کہیں ۔سیکنڈز میں آپ کا مقصود آپ کے سامنے
۔
میں نے پوری توجہ کے ساتھ ان کی بات سُنی !!بس اُن سے فقط اتنا کہاکہ انسان اللہ پاک کی احسن تقویم ہے اس کو کوئی چیز replaceنہیں کرسکتی ۔البتہ یہ کہہ سکتے ہیں کہ انسان نے دوسروں کی آسانی کے لیے معاون سوفٹ وئیر ،ایپ بنادی ہے
جو اس اس میدان میں مددگار ثابت ہوگی ۔انسان کائنات کا عظیم شاہکارہے ۔
میرے پیارے اللہ پاک کی اس عزت و شان والی مخلوق کا کوئی بھی متبادل
نہیں ۔
البتہ دنیا میں رہنے اور جینے کے لیے دنیا میں ہونے والی جدت سے updateرہنا اوراس سہولت سے فائدہ اُٹھانا
یقینا عقلمندی اور ترقی کے لیے بہترین طریقہ ہے ۔موصوف شاید جانتے نہیں تھے
کہ میرا تعلیم و تعلم سے تعلق ہے ۔میں اپنے طلبا سے جنون کی حد تک پیار کرتاہوں
چنانچہ انھیں دنیا کے مقابلوں کے لیے تیار کرنے کے لیے میں اللہ پاک کے فضل اور اس کے حبیب کے کرم سے اپ ڈیٹ رہتاہوں ۔
چیٹ جی پی ٹی کا میں یوزر ہوں ۔
آج بھی اس میں کمی اور خامیوں کی امثلہ دکھائی دیتی ہیں ۔البتہ ایک
بہترین اور عمدہ کوشش ہے ۔جو انسان کے کاموں کو آسان بنادے گی ۔
آپ یہ سمجھ لیں کہ : ChatGPT ایک زبان کا ماڈل ہے
جسے OpenAI نے تیار کیا ہے۔ یہ GPT (جنریٹو پریٹرینڈ ٹرانسفارمر) پر مبنی ہے۔ چیٹ جی پی ٹی میں
"چیٹ" سے مراد قدرتی زبان میں انسانوں جیسا ردعمل پیدا کرنے کی صلاحیت ہے۔
یہ زبان کے مختلف کام انجام دے سکتا ہےجیساکہ سوالات کے جوابات دینا، مضامین لکھنا۔ ، تخلیقی موادتیار کرنا، اور گفتگو میں مشغول ہونا۔
لیکن یہاں ایک بات عرض کرتاچلوں کہ یہ ٹیکنالوجی ہمارارزق نہیں کھاسکتی ۔
جب کمپیوٹر آیاتھا تو ایک آواز چلی کے انسان کا روزگار چھِن جائے گا۔ارے دیوانو!ایک انسان کا سسٹم ہے
اور ایک کائنات کے خالق و مالک کا سسٹم ہے ۔ہمارے سسٹم کو زوال ہے پیارے اللہ پاک کا بنایا ہرنظام کامل و اکمل ہے ۔فوراَ خوف زدہ نہ ہواکریں ۔
آپ چیٹ جی پی ٹی سیکھیں ۔کوئی بڑاتوپ کام نہیں ۔آپ سوال کرنے ،پوچھنے ،اور کھوج لگانے کا ہنر جانتے ہیں
۔سوچنے کا ملکہ ہے
تو بس یہ اے آئی کا شاہکار آپ کے لیے
بہترین مددگار ثابت ہوگا۔ہم رزق کے معاملے میں اپنے پیارے اللہ پاک پر یقین رکھتے
ہیں ۔
اگر ٹیکنالوجی رزق کا منبع اور سرچشمہ ہے تو پھر کائنات کی ایک بڑی آبادی جو سطحی تعلیم بھی نہیں رکھتی
وہ کب کی فنا ہوجاتی ۔میں باربار یہ بات اس لیے دھرارہاہوں تاکہ آپ اپنے کریم سے غافل نہ ہوں ۔
آپ دنیا سے اپ ڈیٹ رہیں ۔سب سیکھیں
۔اس سے فائدہ اُٹھائیں ۔ مگر مخلوق کورازق سمجھناچھوڑدیں۔رازق میراکریم رحمن رحیم رب ہے ۔
اپنی اولادوں کو بھی یہ سیکھادیں ان کے اذہان میں یہ بات پختہ کردیں ۔ورنہ آئندہ
کے فتنے انھیں بہت پریشان کریں گے ۔
چیٹ جی پی ٹی کے بارے میں مفصل مضمون ہم پھر پیش کریں گے ۔
۔اس کا کام ،طریقہ کار سب آپ
سے share کریں گے ۔ہماری کوشش آپ کے لیے
معاون ثابت ہوتو ہماری مغفرت کی دعاضرور کردیجئے گا۔
تبصرے
ایک تبصرہ شائع کریں