یوم عاشور کانیکیوں سے بھرپور شیڈول

 یوم عاشور کانیکیوں سے بھرپور شیڈول  

زندگی اللہ کی نعمت ہے ۔ہر آنے والا دن ہماری زندگی سے مائنس ہورہاہے ۔اس دن کو نیکی کی برکات سے پلس کریں ۔آئیے بڑھتے آج کی ویڈیو کی جانب :

قارئین :ہم آپ کو بتانے جارہے ہیں ایک مکمل اور بہترین شیڈول ۔تاکہ آپ گزار سکیں 10محرم کا دن بھرپور انداز میں نیکیوں کی مہک اور اعمال کی خوشبو سے معطر معطر گزار سکیں ۔۔۔یہ مضمون مکمل پڑھ لیجئے !! آپ کہیں عاشورہ کے دن کی خیر و بھلائی سے محروم نہ رہ جائیں ۔اعمال سنتے چلے جائیں اور ہوسکے تو نوٹ کرلیجئے

·         شب ِ عاشورہ ( 9 تاریخ کی رات ) کو نفل نماز اداکرلیجئے

·         نو- دس تاریخ کو روزہ رکھنا بہت افضل ہے.آپ بھی روزہ کی سعادت حاصل کرلیجئے

·         عاشورہ کے دن سورج طلوع ہونے سے لے کر زوال سے پہلے تک نفل نماز پڑھنا بہت زیادہ مقبول ہے. اور زیادہ ثواب حاصل ہوتا ہے.

·         عاشورہ کے دن غسل   کرلیجئے !!

·         آنکھوں میں سرمہ  لگالیجئے !!

·         یتیم ،مسکین کو کھانا کھلا نے میں دیر نہ کیجئے کہ یہ فراحئی رزق کا بہترین اور مجرب ذریعہ ہے ۔

·         بیمار کی تیمارداری کر لیجئے !!

·         روٹھے ہوئے ناراض مسلمانوں میں صلح کروالیجئے !!

·         قبرستان میں فاتحہ پڑھنے کی سعادت حاصل کرلیجئے ۔

·         قرآن شریف کی تلاوت کرنا بہت افضل اور کار ِ ثواب ہے.

·         قارئین:یہ اعمال بھی کرلیجئے کہ کل بروز قیامت ایک ایک نیکی کی ضرورت ہوگی ۔اس دن کو غنیمت جانتے ہوئے یہ اعمال بھی کرلیجئے !!

1.   دو رکعت نفل نماز واسطے اللہ تعالیٰ کے تحیّتہ الوضو

2.    دو رکعت نفل نماز نیت ثواب عاشورہ

3.   چار رکعت نفل نماز نیّت ثواب خضور اکرم ﷺ‎ ، بعد نماز 40 مرتبہ آیت کریمہ لا الہ الا اللہ انت سبحان انی کنتُ من الضالمین اور 40 مرتبہ ربنَااَفِرغ عَلیناَ صَبرَا وَ تَوَفّناَ مُسٰلِمین

4.    چار رکعت نفل نماز ایصالِ ثواب چار یار باصفا ،بعد نماز کے حسبنا الله ونعم الوكيل نعم المولا و نعم النصير

5.   بیس رکعت نفل نماز حفظ الایمان،

6.    دو رکعت نفل نماز ثواب شہید کربلا کی روح کو پہنچانے کی نیت ،

7.    دو رکعت نفل نماز. ایصال ثواب والدین کی روح کے لیے ،

8.   چار رکعت نفل نماز خود کی مغفرت کے لئے ،

9.    دو رکعت نفل نماز حضرت بی بی فاطمہ الزہرہ کی روح کو ثواب کی نیت سے.

:قارئین  :

اس کے علاوہ عاشورہ کی رات اور دن جتنی بھی عبادت ہو سکے. نفل نماز ، تلاوت قرآن ، اور ذکر ِ الٰہی میں مشغول رہنا بہت بڑا ثواب ہے.کیا معلوم اگلے سال یہ چانس مل سکے یا نہ مل سکے ۔کیوں کہ موت ہمارے تعقب میں ہیں اور ہم دنیا کے لالچ اور محبت کے تعقب میں ہیں ۔

نیت کرلیجئے ۔خوب خوب اعمال کریں گے ۔۔۔

اپنے پیاروں کو بھی نیکیوں سے بھرپور یوم عاشورہ گزارنے کے لیے یہ انھیں share بھی کیجئے !!

اللہ ہم سب کا حامی و ناصر ہو۔