نظرانداز کرکے مرکزی مواد پر جائیں

گردوں کی کارکردگی جانچنے کے اہم اشارے



گردوں کی کارکردگی جانچنے کے اہم اشارے

Kidney Function Test (KFT):

تحریر:ڈاکٹرظہوراحمددانش

میں ایک معالج ہونے کی حیثیت سے جب بھی کسی بیماری یا طبی مشورے پر لکھنے  یا بتانے کی کوشش کرتاہوں تو میری نیت ہوتی ہے کہ میں اپنے سامع یا اپنے قاری کو پوری دیانت کے ساتھ مکمل اور مستند معلومات فراہم کروں ۔یہ مضمون بھی اسی کی ایک کڑی ہے ۔

اگر کبھی آپ نے یہ سوچا کہ ہمارے گردے (Kidneys) آخر کرتے کیا ہیں…تو سادہ الفاظ میں جواب ہے: قدرت کے بنائے ہوئے دو چھوٹے فلٹر جو 24 گھنٹے بھی بغیر ہڑتال کے کام کرتے ہیں!یہ گردے خون صاف کرتے ہیں، پانی کا توازن برقرار رکھتے ہیں،جسم سے زہریلے مادّے نکالتے ہیں،اور وہ سب کام چپ چاپ کرتے رہتے ہیں۔لیکن…گردے بھی ایک دن تھک سکتے ہیں۔اور اگر وقت پر پتا نہ چلے تو نقصان خطرناک ہو سکتا ہے۔اسی لیے ڈاکٹر کہتے ہیں:“گردوں کو خاموش نقصان سے رکھنے کے لیے KFT کرواتے رہو!”

قارئین:اب آپ ذرایہ جانتے ہیں کہ KFT کیا ہے؟

Kidney Function Test ایک خون کا ٹیسٹ ہوتا ہے۔جس سے کچھ بنیادی باتیں پتا چلتی ہیں:گردے خون کتنی اچھی طرح صاف کر رہے ہیں؟

1.     جسم میں پانی، نمک اور منرلز کا توازن صحیح ہے یا نہیں؟

2.     کہیں گردوں پر دباؤ یا سوزش تو نہیں؟

3.     جسم میں ٹاکسن (زہریلے مادّے) بڑھ تو نہیں رہے؟

قارئین:KFT گردوں کاریئل ٹائم ہیلتھ میٹرہے۔

اب سوال یہ پیداہوتاہے کہ کون سے ٹیسٹ KFT میں ہوتے ہیں؟

1. Creatinine

یہ سب سے ضروری ریڈنگ ہے۔اگر یہ بڑھ جائے تو سمجھ لیں گردے دباؤ میں ہیں۔

Urea

یہ خون کے “زہریلے مادّے” دکھاتا ہے۔زیادہ ہو تو مطلب صفائی صحیح نہیں ہو رہی۔

Uric Acid

زیادہ ہو تو جوڑوں کا درد اور گردوں میں پتھری کا خطرہ بڑھ جاتا ہے۔

Electrolytes

یہ جسم کے برقی نظام کو کنٹرول کرتے ہیں۔دل کی دھڑکن اور اعصاب ان پر چلتے ہیں۔

GFR (Glomerular Filtration Rate)

یہ گردوں کی اصل طاقت دکھاتا ہے۔GFR کم ہو تو خطرے کی گھنٹی!

قارئین :آئیے ہم آپکو ایک کیس اسٹڈری کی مثال سے بات سمجھاتے ہیں ۔

علی ایک انٹروورٹ لڑکا ہے:کتابیں، کمرہ، موبائل… بس یہی دنیا۔پانی کم پیتا ہے، چلنا پھرنا بھی کم۔ایک دن سر درد، آنکھوں کے نیچے حلقے، اور عجیب سی تھکاوٹ ہونے لگی۔ڈاکٹر نے KFT کروایا۔رپورٹ میں دیکھا کہCreatinine تھوڑا بڑھا ہوا۔Water Intake بہت کم۔۔یعنی جسم میں پانی کی کمی گردوں پر بوجھ ڈال رہی تھی۔بس پانی بڑھایا… ہفتے بھر میں سب ٹھیک!انٹروورٹ ہوں تو بھی پانی پینا ضروری ہے!

قارئین :اب ذرا ایکسٹروورٹ کی مثال سمجھتے ہیں ۔

حماد ایک ایکسٹروورٹ لڑکا ہے۔فیملی گیدرنگ، دوستوں کے ساتھ باہر نکلنا،۔ہر جگہ کولڈ ڈرنکس، فرائز اور چٹ پٹی چیزیں ضرور۔ایک وقت آیا…پیٹ بھاری، یورک ایسڈ زیادہ، جوڑوں میں درد، اور تھکاوٹ۔اب KFT ٹیسٹ کروائیں گے تو منظر نامہ کچھ اس طرح ہوگا۔

  • Uric Acid زیادہ
  • Urea borderline
  • GFR تھوڑا کم

ڈاکٹر نے فوراً کہا:“حماد صاحب! گردوں کا خیال کریں… ورنہ پارٹی ختم!”چند ہفتوں کی پرہیز اور پانی بڑھانے سے سب بہتر ہو گیا۔اب حل یہ ہے کہ  زیادہ خوراک + کم پانی = گردوں کا مسئلہ سامنے آچکاہے

قارئین :اب سوال یہ پیداہوتاہے کہ **KFT کروانے کی ضرورت کب پڑتی ہے؟

قارئین ان نشانیوں پر فوراً ٹیسٹ کروائیں:

  • بار بار سر درد
  • پیروں یا چہرے پر سوجن
  • پیشاب جھاگ دار ہونا
  • کم یا زیادہ پیشاب آنا
  • بھوک کم لگنا
  • کمر کے نچلے حصے میں درد
  • بار بار تھکاوٹ
  • کولڈ ڈرنک یا اسٹریٹ فوڈ کے بعد “بیچینی”

اور…اگر شوگر، ہائی بلڈ پریشر، یا فیملی ہسٹری ہو۔تو KFT لازمی کروائیں۔

قارئین:یہ بات توجہ سے پڑھ لیں آپکو انداز ہوگاکہ آپ کے جسم میں کتنا بڑافلٹر پلانٹ نصب ہے ۔

Kidneys کے حیران کن فیکٹس (General Knowledge)

1.     گردے روزانہ تقریباً 200 لیٹر خون فلٹر کرتے ہیں۔

2.     انسان کے جسم میں گردے کے 10 لاکھ فلٹر (Nephrons) ہوتے ہیں۔

3.     اگر ایک گردہ خراب ہو جائے تو دوسرا اکیلا کام سنبھال لیتا ہے۔

4.     گردے کا کینسر آخری وقت تک علامات نہیں دکھاتا،
اسی لیے KFT بہت اہم ہے۔

5.     دنیا میں گردوں کی بیماری کا سب سے بڑا سبب:
پانی کی کمی + کولڈ ڈرنکس + نمک زیادہ۔

6.     بچے، نوجوان، بوڑھے… سب کو سال میں ایک بار KFT کروانا چاہیے۔

اب سوال یہ پیداہوتاہے کہ ہم نے ریپورٹ تو کروالی ۔اب اس کی ریڈنگ کیسے نوٹ کریں ۔توآئیے یہ مشکل بھی آسان کردیتے ہیں ۔

  • Creatinine
    نارمل: 0.6 سے 1.2
    زیادہ = گردوں پر بوجھ
  • Urea
    نارمل: 15 سے 40
    زیادہ = جسم میں فضلہ جمع ہو رہا ہے
  • Uric Acid
    نارمل:
    مرد: 3.5 – 7
    عورت: 2.5 – 6
    زیادہ = جوڑوں کا درد + پتھری
  • GFR
    90     سے اوپر = بہترین
    60     سے کم = خطرہ
    30     سے کم = شدید مسئلہ
    15     سے کم = Dialysis ہنگامی خطرہ

قارئین ذہن میں ایک سوال پیداہوتاہے کہ آخر گردے خراب کیوں ہوتے ہیں ۔آئیے ہم آپکو اس حوالے سے اہم باتیں بتاتے ہیں ۔!!

1.     پانی کم پینا

2.     کولڈ ڈرنکس روز پینا

3.     جوس میں چینی زیادہ

4.     تلی ہوئی چیزیں

5.     نمک زیادہ

6.     موٹاپا

7.     شوگر

8.     ہائی بلڈ پریشر

9.     درد کی گولیوں کا غلط استعمال

10.پریشر کم کرنے والی دوائیاں بار بار لینا

قارئین:گردے صحیح رکھنے کے 7 آسان اصول ہیں ۔آپ نے ان کا بہت خیال رکھناہے ۔

1.     روز کم از کم 8 گلاس پانی

2.     کولڈ ڈرنکس چھوڑ دیں

3.     نمک کم کریں

4.     روزانہ 20 منٹ واک

5.     اسٹریٹ فوڈ کم

6.     میٹھا اور چکنائی کم

7.     سال میں ایک بار KFT کروائیں

قارئین:اب ہم آپکو ہم گردوں کی ہمیت کو ایک مثال سے سمجھانے کی کوشش کرتے ہیں ۔کیوں کہ انسان مثال سے زیادہ اچھے طریقے سے سمجھتاہے ۔فرض کریں آپ کے جسم میں ایک کمپنی ہے۔جس میں دو اہم ملازم کام کرتے ہیں — دونوں گردے۔اب اگر

آپ پانی کم دیں (کم تنخواہ)،

  • کولڈ ڈرنکس پلاتے رہیں (اوور ٹائم)،
  • نمک زیادہ دیں (دباؤ بڑھاتے رہیں)،

تو دونوں ملازم ناراض ہو جائیں گے،
کام دھیمی رفتار سے ہوگا،
اور کمپنی یعنی جسم بیمار ہونے لگے گا۔

لیکن اگر:

  • پانی صحیح دیں،
  • کھانا صحت مند ہو،
  • نمک کم ہو،

تو کمپنی پھلے پھولے گی
اور گردے خوشی خوشی کام کرتے رہیں گے!

جی قارئین:توپھر کیا پروگرام ہے ۔گردوں کا خیال رکھیں گے یہ انھیں حالات کے رحم و کرم پر چھوڑدیں گے ؟پلیز اپنی صحت کا خیال رکھیں صحت اللہ کی بہت بڑی نعمت ہے ۔میں ایک معالج ہوں لیکن میں نے گردے کے معاملے میں اپنی بیٹی کی بیماری کا دورانیہ اسپتال میں گزاراہے ۔بہت مشکل ترین مرحلہ ہوتا۔صحت کا خیال رکھیے اور خوشحال زندگی گزارئیے ۔

ہماری کوشش آپ کے لیے مفید معلومات ثابت ہوتو ہماری مغفرت کی دعا کردیجئے ۔

نوٹ:طبی مشوروں کے لیے آپ ہم سے رابطہ کرسکتے ہیں ۔

وٹس ایپ:03112268353

رابطہ نمبر:0362914283

 


لیبلز:

تبصرے

ایک تبصرہ شائع کریں

اس بلاگ سے مقبول پوسٹس

عورت کائنات کا حیرت انگیز کردار

عورت کائنات  کا حیرت انگیز کردار تحریر: حافظہ نورالایمان  بنت ظہور حمد ) دوٹھلہ نکیال آزاد کشمیر ( عورت محض کائنات کا ایک کردار نہیں، بلکہ انسانی تہذیب کی خاموش معمار، جذبات کی ترجمان اور نسلوں کے مستقبل کی امین ہے۔ وہ کبھی ماں بن کر زندگی کو جنم دیتی ہے، کبھی بیٹی بن کر گھر میں رحمت کی خوشبو بکھیرتی ہے، کبھی بہن بن کر محبت کا حصار قائم کرتی ہے اور کبھی شریکِ حیات بن کر زندگی کے دشوار راستوں کو سکون اور رفاقت سے روشن کردیتی ہے۔ عقل یہ تسلیم کرتی ہے کہ جس ہستی کی تربیت سے انسان کا کردار تشکیل پاتا ہو، اسے کمزور یا غیر اہم قرار دینا خود انسانی عقل کی توہین ہے۔ ایک تعلیم یافتہ، باکردار اور ذہنی طور پر مضبوط عورت صرف اپنی زندگی نہیں سنوارتی؛ وہ ایک خاندان، ایک نسل اور بالآخر پورے معاشرے کی فکری سمت بدل سکتی ہے۔ نفسیات بتاتی ہے کہ انسان کی شخصیت کی بنیاد ابتدائی تعلقات، جذباتی تحفظ، گفتگو اور تربیت سے بنتی ہے۔ اس عمل میں ماں اور خاندان کی دیگر خواتین کا کردار اکثر نہایت گہرا ہوتا ہے۔ عورت کی ہمدردی، جذبات کو سمجھنے کی صلاحیت، صبر اور تعلقات کو جوڑنے کی قوت معاشرتی استحکام...
ایک تبصرہ شائع کریں
مزید پڑھیں

پرامٹ انجئیرنگ کی عملی ورکشاپ اور مشقیں

پرامٹ انجئیرنگ کی عملی ورکشاپ اور مشقیں تحریر:ڈاکٹرظہوراحمددانش (دوٹھلہ نکیال آزادکشمیر) پرامپٹ انجینئرنگ صرف پڑھنے سے نہیں آتی — یہ ویسا ہی ہے جیسے ڈرائیونگ کی کتاب پڑھ لینے کے بعد بھی اسٹیئرنگ پکڑنا ضروری ہوتا ہے۔اس باب میں ہم عملی مثالوں اور مشقوں کے ذریعے یہ فن آپ کے ہاتھ میں دیں گے، تاکہ آپ آج سے ہی بہتر پرامپٹ لکھنا شروع کر دیں۔ تعلیمی سبق تیار کرنا مقصد : AI سے ایسا سبق تیار کروانا جو ایک استاد کلاس میں استعمال کر سکے۔ پرامپٹ مثال : " آٹھویں جماعت کے لیے سورۃ الفیل کی تشریح تیار کرو، آسان اردو میں، ہر آیت کے بعد مفہوم اور اس سے ملنے والا سبق لکھو " بلاگ آرٹیکل رائٹنگ اس میں ہم کنٹینٹ رائٹنگ میں پرامپٹ کی طاقت کو آزماتے ہیں اور پھر اسی طرز پر اس کے نتائج حاصل کرتے ہیں۔ پرامپٹ مثال : " گرمیوں میں پانی زیادہ پینے کی اہمیت پر 500 الفاظ کا بلاگ لکھو، طبی فوائد اور اسلامی نقطہ نظر کے ساتھ " سوشل میڈیا مہم ڈیزائن کرنا اب ہم مارکیٹنگ میں AI کا استعمال کرکے اپنے نتائج حاصل کرنے کی کوشش کرتے ہیں ۔ پرامپٹ مثال : " عیدالفطر کے موقع پر ک...
ایک تبصرہ شائع کریں
مزید پڑھیں

نوجوانوں کے لیے امید بھرا پیغام

Life is a race, in which some get tired and stop moving towards the destination, and some reach the destination by facing every difficulty. (Drzahoordanish) نوجوانوں کے لیے امید بھرا پیغام تحریر:ڈاکٹرظہوراحمد دانش (دوٹھلہ نکیال آزادکشمیر) میں شعبہ تدریس سے وابستہ ہوں ۔جہاں و جب جاتاہوں تو ایک سوال ضرورت ہوتاہے ۔ہمارا مستقبل کیاہے ۔یعنی آج کا نوجوان اپنے مستقبل کی فکروں میں گھُلتاچلاجارہاہے ۔اسٹریس تو گویااس کی ذات کا حصہ بن گئی ہے ۔اب ایسے میں میں بہت دل جلاتاتھا کہ آخر ایسا کیا کیا جائے کہ  یہ قوم کہ معمار ٹینشن فری ہوں ۔خیر اپنے حصے کی جو ممکن کوشش تھی کرتارہا۔کافی دنوں سے سوچ رہاتھا کہ اس موضوع پر کوئی مختصر کی بات ضرور کروں ۔شاید کہ اتر جائے تیرے دل میں میری بات کے حصول کے لیے ۔یہ مضمون بھی اُسی کی ایک کڑی ہے ۔ پیارے قارئین: موجودہ دور میں نوجوانوں میں مستقبل کے بارے میں بے چینی اور خوف ایک عام منظر بن چکا ہے۔ یہ خوف نہ صرف ذہنی سکون چھین لیتا ہے بلکہ زندگی کی توانائی، تخلیق اور کوششوں کو بھی متاثر کرتا ہے۔ اس مضمون میں ہم اس خوف کی نوعیت، اس کے اسباب، دنیاوی و دین...
ایک تبصرہ شائع کریں
مزید پڑھیں