نظرانداز کرکے مرکزی مواد پر جائیں

فلسطین کی باتیں (عالمی میڈیا کا مکروہ چہرہ )





فلسطین کی باتیں (عالمی میڈیا کا مکروہ چہرہ )

تحریر:ڈاکٹرظہوراحمددانش

(دوٹھلہ نکیال آزادکشمیر)

کسی داستان غم کولکھنا اوراس کوبیان کرنا تو میں سمجھتاہوں کہ بہت آسان ہے بنسبت اس کے کہ جو اس داستان غم کا حصہ بنے ۔جن پر وہ ظلم کی آندھیاں چلیں ۔جنھوں نے اپنے کندھوں  پر اپنے پیاروں کے لاشے اُٹھائے ۔جن کے سامنے ان کاگھر ،محلہ ،شہر ،ملک کھنڈر بن گیاہوں ۔اف میرے مالک !!

قارئین :میں فلسطین کی باتیں کے نام سے ایک سیریز لکھ رہاہوں صرف اپنے ضمیر کو مطمئن کرنے کی کوشش کررہاہوں ایک حجت قائم کرنے کی ایک کو شش کررہاہوں کہ قیامت میں اپنے کریم کو عرض کرسکوں کریم رب لکھ کر تیرے بندوں کو اطلاع دینے کا کام کرنے اور کرب کی شدب بتانے کی اپنے حصے کی کوشش کرتارہا۔میں کربھی کیاسکتاتھا ۔سوری پیارے اللہ !!

قارئین :بات طویل ہوجائے گی ۔عالمی میڈیا کا مکروہ رویہ بھی ہم آپ آپ کے سامنے رکھتے ہیں ۔آپ خود ہی انداز کرلیجئے گا کہ آخر ہمارے ساتھ گیم کیا ہوگیا ۔آئیے اصل موضوع کی طرف بڑھتے ہیں ۔


مغربی میڈیا کا اسرائیل کی بولی بولنا:

الجزیرہ کی ایک رپورٹ کے مطابق، CNN اور BBC کے صحافیوں نے انکشاف کیا ہے کہ ان کے نیوز رومز میں اسرائیل کے حق میں تعصب پایا جاتا ہے، جس سے فلسطینیوں کی مشکلات کو کم اہمیت دی جاتی ہے ۔ اسی طرح، The Nation کی ایک تجزیاتی رپورٹ میں بتایا گیا ہے کہ CNN اور MSNBC نے غزہ کی جنگ کی ابتدائی 100 دنوں میں فلسطینیوں کو کم ہمدردی کے ساتھ پیش کیا، جبکہ اسرائیلی اور یوکرینی متاثرین کو زیادہ انسانی پہلو سے دکھایا گیا ۔​

BBC  کی قابل تشویش رویہ :

BBC کی ڈاکیومنٹری "Gaza: How to Survive a War Zone" میں عربی الفاظ "یہود" اور "جہاد" کو "اسرائیلی افواج" اور "مزاحمت" کے طور پر ترجمہ کیا گیا، جس پر شدید تنقید کی گئی۔ یہ ترجمے صحافتی اصولوں کی خلاف ورزی کے طور پر دیکھے گئے، کیونکہ اس سے ناظرین کو اصل بیانیے سے محروم رکھا گیا۔​

مظلوم فلسطینوں کی کوریج میں بُخل :

مغربی میڈیا نے اسرائیلی قیدیوں کی رہائی کو نمایاں طور پر کوریج دی، جبکہ 1,900 سے زائد فلسطینی قیدیوں کی رہائی کو کم اہمیت دی گئی۔ یہ عدم توازن میڈیا کی جانبداری کو ظاہر کرتا ہے۔


سوشل میڈیا پر فلسطین کے لیے رویہ

2025 میں، Meta (فیس بک اور انسٹاگرام) نے اسرائیلی حکومت کی درخواست پر 94% مواد کو ہٹا دیا، جو فلسطینیوں کے حق میں یا اسرائیل پر تنقید پر مبنی تھا۔ اس سے سوشل میڈیا پر بھی فلسطینی آوازوں کو دبانے کا رجحان ظاہر ہوتا ہے ۔​

قارئین:

عالمی میڈیا اکثر فلسطینی مزاحمت کو “دہشت گردی” جبکہ اسرائیلی حملوں کو "دفاعی کارروائی" کے طور پر پیش کرتا ہے۔

آئیے میں کچھ اخباری تراشوں سے خبروں کی مثالیں پیش کرتاہوں آپ خود فیصلہ کرسکیں گے کہ ہوکیارہاہے

خبر:جب اسرائیل نے غزہ میں 2023–2024 میں بمباری کی، تو The New York Times اور Reuters نے سرخی میں لکھا:“Israel retaliates after Hamas rocket fire”
جبکہ حقیقت یہ تھی کہ بمباری کا آغاز اسرائیل نے خود کیا تھا۔

حوالہ:Middle East Eye – Gaza coverage analysis, 2024

قارئین:

2023–2024 میں 123 فلسطینی صحافی شہید ہوئے، جن میں الجزیرہ کے مشہور رپورٹر شریف ابو عاقلہ کی شہادت عالمی توجہ کا مرکز بنی۔تاہم، CNN، BBC، Fox News جیسے اداروں نے ان واقعات پر یا تو رپورٹنگ نہ کی یا غیرواضح انداز میں کی، گویا فلسطینی صحافیوں کی زندگی کم قیمتی ہو۔

حوالہ:Committee to Protect Journalists (CPJ), 2025 Report

قارئین :

اسرائیلی شہری کی موت کو "Breaking News" بنا کر دنیا کو دکھایا جاتا ہے۔جبکہ ایک ہی حملے میں شہید ہونے والے 40 فلسطینی بچوں کو ایک عددی خبر یا کونے کی تصویر میں محدود کر دیا جاتا ہے۔امریکی چینلز نے اسرائیلی متاثرین کو اوسطاً 6 گھنٹے کی کوریج دی جبکہ فلسطینی شہداء پر صرف 40 منٹ  دی ۔

حوالہ:[Media Bias Monitoring Institute, 2025 Media Equity Index]

قارئین :

جب کوئی رپورٹر فلسطینیوں پر مظالم کی بات کرتا ہے، تو فوری "دونوں طرف" کی بات شامل کر دی جاتی ہے۔مگر اسرائیلی بیانیہ بغیر توازن کے نشر ہوتا ہےیہ توازن نہیں، سچائی کو "کمزور" کرنے کی چال ہے۔


قارئین:

Meta (Facebook, Instagram) نے 2024 میں فلسطینی ہیش ٹیگز پر شدید سینسرشپ کی

TikTok نے "Free Palestine" ٹرینڈ کو محدود کیا۔Twitter/X پر فلسطینی صحافیوں کے اکاؤنٹس بند کیے گئے

قارئین:

آپ میری بات سمجھ رہے ہوں گے ہم مسلمانوں کے ساتھ ہوکیا رہاہے افسوس اتنے مسلم ممالک ٹیکنالوجی میں اپنا کوئی کردار نہ کرسکے ۔کوئی اپنا سرچنگ اینجن نہ بنا سکے ۔کوئی سوشل میڈیا اپنا پلیٹ فارم نہ بناسکے ۔سیٹلائٹ پر کوئی کام نہ کرسکے ۔افسوس ۔۔۔بعض مسلم ممالک کے چینلز نے فلسطین کی رپورٹنگ کو محدود کیا تاکہ سفارتی تعلقات متاثر نہ ہوں

مثلاً UAE، بحرین، اور مراکش کے سرکاری میڈیا میں حماس، اسرائیل تنازع کو جان بوجھ کر کم اہمیت دی گئی

قارئین:

CNN، BBC، AP، New York Times کے درجنوں صحافیوں نے 2024 میں اپنے اداروں کے تعصب پر کھلا خط لکھا:ہم غیر جانبدار صحافت کے دعوے دار ہیں، مگر سچائی کو چھپانے کے گواہ بھی۔قارئین:2025 تک کے تجزیے سے واضح ہے کہعالمی میڈیا نے فلسطین کے ساتھ منصفانہ رویہ اختیار نہیں کیا

صحافت کے بنیادی اصول — سچ، توازن، انسانی ہمدردی — کو جانبداری، لابی، اور پالیسی نے دبا دیا۔فلسطین نہ صرف زمینی جنگ بلکہ بیانیے کی جنگ بھی لڑ رہا ہے۔سچ کی آواز بند کی جا سکتی ہے، دبائی جا سکتی ہے۔لیکن فلسطینی بچے کا خون… کیمرہ نہ بھی دکھائے، تاریخ ضرور لکھے گی۔

اے نوجوان!!

سوشل میڈیاپر فضولیات  ،ویلاگ اپنے خاندان کی نمائش كرنے والو!!دشمن نے تمہیں کھیل تماشوں میں لگاکر خود دریافت اور ریسرچ کی دنیا میں تہلکہ مچادیا۔تمہاری نسلوں کو ذہنی طور پر برباد اور تمہیں ہلاک کرنے کا پورابندوبست کررکھاہے ۔کچھ ہوش کے ناخن ہو۔جس سوشل میڈیا پر اتراتے ہو۔۔گولڈن ،سلور ،دائیمنڈ بٹن میں الجھے اور بگڑے نوجوانوں رب کا واسطہ یہ انہی کا پلیٹ فارم ہے ۔جب چاہیں تمہاری آواز بند کردیں ۔ابھی وقت ہے ۔سنھبل جائے ۔


قارئین:

میری مثال تو خریداران یوسف ہی کی سی ہے ۔کہ کچھ بڑانہیں تو اپنے حصے کی اپنے کمرے سے آواز تو بلند کرسکتاہوں وہی کرلیتاہوں ۔اے پیارے اللہ !!تیرے نام لیوابہت تکلیف میں ہیں کوئی معجزہ کردے ۔مالک اتاردے ابابیل ۔مالک فضائے بدر بنادے ۔پیارے اللہ ہم سوری کرتے ہیں ۔ 

لیبلز:

تبصرے

ایک تبصرہ شائع کریں

اس بلاگ سے مقبول پوسٹس

"ڈی این اے میں چھپا روحانی کوڈ؟"

" DNA میں چھپا روحانی کوڈ؟ " تحریر:ڈاکٹرظہوراحمددانش (دوٹھلہ نکیال آزادکشمیر)  ہم روٹین کی روایتی زندگی گزاررہے ہوتے ہیں ۔لیکن ہم اس کائنات کے رازوں پر غور کی زحمت نہیں کرتے ۔میں بھی  عمومی زندگی گزارنے والا شخص ہی ہوں لیکن وقت کے ساتھ ساتھ جیسے جیسے مطالعہ ،مشاہد ہ بڑھتارہامجھے کھوج لگانے ،سوچنے اور سمجھنے کا ذوق ملا۔اس کافائدہ یہ ہوا کہ مجھ پر علم نئی جہات کھُلی ۔بات کہیں طویل نہ ہوجائے ۔میں کافی وقت سے سوچ رہاتھا کہ اس دور میں سائنس نے بہت ترقی کرلی ۔ڈین این اے کے ذریعے انسان کی نسلوں تک کےراز معلوم کیے جارہے ہیں ۔میں سوچ رہاتھاکہ کیا ڈین این اے ہماری عبادت یاپھر عبادت میں غفلت کوئی اثر ڈالتی ہے یانہیں ۔بہت غوروفکر اور اسٹڈی کے بعد کچھ نتائج ملے ۔ایک طالب علم کی حیثیت سے آپ سے شئیر بھی کرتاہوں ۔ممکن ہے کہ میری یہ کوشش آپ کے لیے بھی ایک لرننگ پراسس ثابت ہو۔ قارئین: ایک سوال ذہن میں آتاہے کہ کیاکیا نماز پڑھنے، روزہ رکھنے یا ذکر کرنے سے صرف ثواب ملتا ہے؟یا … آپ کی عبادتیں آپ کے DNA پر بھی اثر ڈالتی ہیں؟ یہ ہے تواچھوتاسوال آئیے ذرا اس کو حل کرتے ہیں ۔۔۔ قارئی...
ایک تبصرہ شائع کریں
مزید پڑھیں

نوجوانوں کے لیے امید بھرا پیغام

Life is a race, in which some get tired and stop moving towards the destination, and some reach the destination by facing every difficulty. (Drzahoordanish) نوجوانوں کے لیے امید بھرا پیغام تحریر:ڈاکٹرظہوراحمد دانش (دوٹھلہ نکیال آزادکشمیر) میں شعبہ تدریس سے وابستہ ہوں ۔جہاں و جب جاتاہوں تو ایک سوال ضرورت ہوتاہے ۔ہمارا مستقبل کیاہے ۔یعنی آج کا نوجوان اپنے مستقبل کی فکروں میں گھُلتاچلاجارہاہے ۔اسٹریس تو گویااس کی ذات کا حصہ بن گئی ہے ۔اب ایسے میں میں بہت دل جلاتاتھا کہ آخر ایسا کیا کیا جائے کہ  یہ قوم کہ معمار ٹینشن فری ہوں ۔خیر اپنے حصے کی جو ممکن کوشش تھی کرتارہا۔کافی دنوں سے سوچ رہاتھا کہ اس موضوع پر کوئی مختصر کی بات ضرور کروں ۔شاید کہ اتر جائے تیرے دل میں میری بات کے حصول کے لیے ۔یہ مضمون بھی اُسی کی ایک کڑی ہے ۔ پیارے قارئین: موجودہ دور میں نوجوانوں میں مستقبل کے بارے میں بے چینی اور خوف ایک عام منظر بن چکا ہے۔ یہ خوف نہ صرف ذہنی سکون چھین لیتا ہے بلکہ زندگی کی توانائی، تخلیق اور کوششوں کو بھی متاثر کرتا ہے۔ اس مضمون میں ہم اس خوف کی نوعیت، اس کے اسباب، دنیاوی و دین...
ایک تبصرہ شائع کریں
مزید پڑھیں

مصنوعی ذہانت اور کسانوں کی دنیا

مصنوعی ذہانت اور کسانوں کی دنیا تحریر:ڈاکٹرظہوراحمددانش (دوٹھلہ نکیال آزادکشمیر) کسان کی زندگی ہمیشہ مٹی، پانی، بارش اور دھوپ کے رحم و کرم پر رہی ہے۔ہزاروں برس سے کھیتی کا ہر عمل ہاتھ اور آنکھ کی محنت سے جڑا ہوا تھا۔لیکن اب ایک نیا دور شروع ہو چکا ہے — ایسا دور جہاں بیج دیکھنے والی آنکھ انسان کی نہیں،ڈرون کی ہے۔مٹی کا مزاج بتانے والا ہاتھ کسان کا نہیں،مصنوعی ذہانت کا ہے۔زمین آج بھی سچ بولتی ہے،مگر اس سچ تک پہنچنے والے راستے بدل گئے ہیں۔یہی وہ مقام ہے جہاں کاشتکار، مٹی اور مشین کی مثلث عجیب مگر حیرت انگیز ہم آہنگی کے ساتھ مستقبل کی طرف بڑھ رہی ہے۔ مصنوعی ذہانت نے زراعت کو اندازے سے نکال کراعداد و شمار، سینسرز، ڈرون اور سیٹلائٹس کی دنیا میں داخل کر دیا ہے۔ AI اب مٹی کے راز آنکھ جھپکتے بتا دیتا ہے۔آئیے اس کو سمجھنے کی کوشش کرتے ہیں ۔نمی کتنی ہے،کس غذائی عنصر کی کمی ہے،فصل کی جڑ کتنی صحت مند ہے،کہاں کھاد کم یا زیادہ لگ رہی ہے،کب پانی دینا ضروری ہے، FAO کی 2023 کی رپورٹ کے مطابق AI-assisted analysis سے پیداوار میں 20 سے 30 فیصد اضافہ ممکن ہے۔ یہ وہ انقلاب ہے جو پہلے صدیوں میں ب...
ایک تبصرہ شائع کریں
مزید پڑھیں