تحریر:ڈاکٹرظہوراحمددانش
انسا نوں سے پیار و
محبت اور ضرورت مند انسا نوں کی مددکے عمل کو ہر دین اور مذہب میں تحسین کی نظر سے
دیکھا جا تا ہے لیکن دین اسلام نے خد مت ِ انسا نیت کو بہترین اخلا ق اور عظیم عبا
دت قرار دیا ہے۔
قارئین آئیے ذرا فرامین
مصطفی ﷺ کی روشنی اللہ کے بندوں کی خدمت کے مشن کے متعلق جانتے ہیں ۔
حضور نبی اکرم صلی اللہ
علیہ وآلہ وسلم نے خدمتِ خلق کو روحانی و اخلاقی بنیاد فراہم کرتے ہوئے ارشاد
فرمایا:
خَیْرُالنَّاسِ مَنْ
یَّنْفَعُ النَّاس.
(کنزالعمال، کتاب المواعظ والرقائق، باب، خطب النبی ومواعظه، ج: 16،
ص: 54)
’’لوگوں میں بہتر وہ ہے جو انسانوں کو نفع پہنچاتا ہے‘‘۔
یہ نفع رسانی بغیر کسی
ذاتی غرض و مصلحت کے ہے، رشتہ داروں، عام ضرورت مندوں، عام انسانوں، حتی کہ
جانوروں سے حسنِ سلوک بھی پسندیدہ رویہ ہے جبکہ بدسلوکی اور ضرر رسانی ناپسندیدہ
رویہ ہے۔ آپ صلی اللہ علیہ وآلہ وسلم نے ارشاد فرمایا:
ان شرالناس عندالله
منزلته یوم القیامة من ترکه الناس اتقاء شره.
(صحیح بخاری، کتاب الادب، باب لم یکن النبی فاحشا)
’’اللہ تعالیٰ کے نزدیک قیامت کے دن رتبے کے لحاظ سے بدترین انسان وہ
ہوگا جس کے شر کے ڈر سے لوگ اسے چھوڑیں‘‘۔
دوسرے مقام پر فرمایا:
والذی نفسی بیده لا یومن
عبد حتی یحب لاخیه مایحب لنفسه.
(سنن ترمذی، کتاب السیر،
باب فی التحریق والتخریب)
’’قسم ہے اس ذات کی جس کے ہاتھ میں میری جان ہے، کوئی بندہ اس وقت تک
کامل ایمان والا نہیں ہوسکتا جب تک اپنے بھائی کے لیے وہ (بھلائی) نہ چاہے جو اپنے
لیے چاہتا ہے‘‘۔
حضرت عبداللہ بن عمر رضی
اللہ عنہ سے روایت ہے کہ آپ صلی اللہ علیہ وآلہ وسلم نے ارشاد فرمایا:
الراحمون یرحمهم الرحمن
ارحموا من فی الارض یرحمکم من فی السماء.
(مسند احمد بن حنبل، 4: 307)
’’رحم
کرنے والوں پر رحمن بھی رحم کرتا ہے، زمین والوں پر رحم کرو تم پر آسمان والا رحم
کرے گا‘‘۔
جی
قارئین :
آج
انسانیت تکلیف میں ہے ۔کبھی سوچا کہ دین تو ہمیں دوسروں کی خدمت کا پیغام دیتاہے
اور ہم نے اس سبق اس درس پر کس حدتک عمل کیا ؟
ماضی
کو چھوڑیں آج اور ابھی ہمت کریں اور یہ عزم کرلیں کہ ہم دوسروں کی خدمت میں کبھی
غفلت نہیں برتیں گے۔جو ہوسکا جیسا ہوسکا جتنا ہوسکا ہم دوسروں کی خدمت میں اپنے
حصے کی ممکنہ کوشش ضرور کریں گے ۔ہماری کوشش آپ کو فائدہ دے تو ہماری مغفرت کی دعا
کردیجئے گا۔
یہی ہے
عبادت یہی دین و ایماں
کہ کام آئے دنیا میں
انساں کے انساں
دوٹھلہ نکیال
آزادکشمیر
رابطہ نمبر:03462914283
تبصرے
ایک تبصرہ شائع کریں