نظرانداز کرکے مرکزی مواد پر جائیں

ڈاکٹرظہوراحمد دانش
ماہ شعبان المعظم
 
    امُّ المؤمِنین حضرتِ سَیِّدَتُنا عائشہ صِدِّیقہ رضی اللّٰہ تعالیٰ عنہا فرماتی ہیں :میں نے ایک رات سرورِ کائنات، شاہِ موجودات صلی اللہ تعالیٰ علیہ وآلہ وسلم کو نہ دیکھا تو بقیع پاک میں مجھے مل گئے ،آپصلی اللہ تعالیٰ علیہ وآلہ وسلم نے مجھ سے فرمایا : کیا تمہیں اس بات کا ڈر تھا کہ اللہ عَزَّ وَجَلَّ اور اس کا رسول اللہ صلی اللہ تعالیٰ علیہ وآلہ وسلم تمہاری حق تلفی کریں گے؟ میں نے عرض کی: یَارَسُولَ اللہ صلی اللہ تعالیٰ علیہ وآلہ وسلم!میں نے خیال کیا تھا کہ شاید آپ اَزواجِ مطہرات میں سے کسی کے پاس تشریف لے گئے ہوں گے۔ تو فرمایا: بیشک اللہ تعالیٰ شعبان کی پندرَہویں رات آسمانِ دُنیا پر تجلی فرماتا ہے ،پس قبیلہ بنی کلب کی بکریوں کے بالوں سے بھی زیادہ گنہگاروں کو بخش دیتا ہے۔(سُنَنِ تِرمِذی ج 2 ص183 حدیث739 )
    شعبان المعظم ۔۔ہجری تقویم میں آٹھویں نمبر کامہینا ہے،اس ماہ کو یہ فضیلت حاصل ہے کہ اسے آقانامدارصلی اللہ تعالیٰ علیہ وآلہ وسلم نے اپنامہینہ قرار فرمایایعنی(آقاصلی اللہ تعالیٰ علیہ وآلہ وسلم کا مہینا)۔۔ماہ شعبان میں ہی نصف شعبان کو بڑی رات آتی ہے جسے شب براء ت کہاجاتاہے۔اس رات کو اگراسلامی طور پر صحیح معنوں میں گزارا جائے تو اس میں برکتیں ہی برکتیں ہیں۔۔۔۔
     حضرتِ سیِّدُنا عبد اللہ بن ابی قیس رَضِیَ اللّٰہُ تَعَالٰی عَنْہُ سے مروی ہے کہ اُنہوں نے امُّ المؤمنین سَیِّدَتُنا عائِشہ صدِّیقہ رَضِیَ اللہُ تَعَالٰی عَنْہَا کو فرماتے سنا:انبیا کے سرتاج ، صاحب معراج صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا پسندیدہ مہینا شعبانُ المُعَظَّم تھا کہ اس میں روزے رکھا کرتے پھر اسے رَمَضانُ الْمُبارَک سے ملادیتے۔
    ماہ شعبان ہی میں مرنے والوں کی فہرست مرتب کی جاتی ہے۔ماہ شعبان میں اکثرروزے رکھنا سنت نبوی صلی اللّٰہ تعالیٰ علیہ وآلہ وسلمہے۔۔نصف شعبان کو بعدنمازمغرب 6 نوافل اداکئے جاتے ہیں 2 نفل دارازیئ عمربالخیر۔2 نفل دافع بلا۔اور2 نفل رب عَزَّوَجَلَّ مخلوق کی محتاجی سے محفوظ رکھے۔
15 شعبان کو بیری کے پتوں کو پانی میں گرم کرکے اس پانی سے غسل کرنا پوراسال جادوسے حفاظت ہے۔
    نصف شعبان کو دعائے نصف شعبان بھی پڑھی جائے۔نصف شعبان بھلائیوں والی رات ہے مگر اس رات نازک فیصلے بھی ہوتے ہیں۔۔خود کو ہمیشہ ہی گناہوں سے دوررکھنا چاہئے مگر اس رات میں شیطان کی جانب سے رنگ برنگے طریقے سے مسلمانوں کو اپنی جانب متوجہ کرنے کیلئے آتش بازی جیسی حرام چیزوں نے جگہ بنالی ہے اس فرسودہ کام سے خود کو بھی دور رکھیں اور اپنے بچوں اور دیگرلوگوں کو بھی بچنے کی تلقین کرنی چاہئے۔۔۔آتش بازی کے بارے میں اسلامی کتابوں میں درج ہے کہ یہ (نمرود) کی ایجاد ہے۔
    اسی رات کو قبرستان جاناچاہئے بزرگان دین کے مزارات کی زیارات کرنی چاہئے فاتحہ خوانی کا بھی اہتمام کرنا چاہئے۔عاشقان رسول کو بالخصوص اہتمام کرنا چاہئے کہ اس رات کو نوافل ادا کریں۔قرآن کریم کی تلاوت کریں اورکوشش کرکے ماہ شعبان سے قبل ہی دعوت اسلامی کے رسالے (آقاصلی اللہ تعالیٰ علیہ وآلہ وسلم کامہینا)کا مطالعہ کریں،ان شاء اللّٰہ عَزَّوَجَلَّ عبادات میں دل لگے گا۔

تبصرے

ایک تبصرہ شائع کریں

اس بلاگ سے مقبول پوسٹس

نوجوانوں کے لیے امید بھرا پیغام

Life is a race, in which some get tired and stop moving towards the destination, and some reach the destination by facing every difficulty. (Drzahoordanish) نوجوانوں کے لیے امید بھرا پیغام تحریر:ڈاکٹرظہوراحمد دانش (دوٹھلہ نکیال آزادکشمیر) میں شعبہ تدریس سے وابستہ ہوں ۔جہاں و جب جاتاہوں تو ایک سوال ضرورت ہوتاہے ۔ہمارا مستقبل کیاہے ۔یعنی آج کا نوجوان اپنے مستقبل کی فکروں میں گھُلتاچلاجارہاہے ۔اسٹریس تو گویااس کی ذات کا حصہ بن گئی ہے ۔اب ایسے میں میں بہت دل جلاتاتھا کہ آخر ایسا کیا کیا جائے کہ  یہ قوم کہ معمار ٹینشن فری ہوں ۔خیر اپنے حصے کی جو ممکن کوشش تھی کرتارہا۔کافی دنوں سے سوچ رہاتھا کہ اس موضوع پر کوئی مختصر کی بات ضرور کروں ۔شاید کہ اتر جائے تیرے دل میں میری بات کے حصول کے لیے ۔یہ مضمون بھی اُسی کی ایک کڑی ہے ۔ پیارے قارئین: موجودہ دور میں نوجوانوں میں مستقبل کے بارے میں بے چینی اور خوف ایک عام منظر بن چکا ہے۔ یہ خوف نہ صرف ذہنی سکون چھین لیتا ہے بلکہ زندگی کی توانائی، تخلیق اور کوششوں کو بھی متاثر کرتا ہے۔ اس مضمون میں ہم اس خوف کی نوعیت، اس کے اسباب، دنیاوی و دین...
ایک تبصرہ شائع کریں
مزید پڑھیں

مصنوعی ذہانت اور کسانوں کی دنیا

مصنوعی ذہانت اور کسانوں کی دنیا تحریر:ڈاکٹرظہوراحمددانش (دوٹھلہ نکیال آزادکشمیر) کسان کی زندگی ہمیشہ مٹی، پانی، بارش اور دھوپ کے رحم و کرم پر رہی ہے۔ہزاروں برس سے کھیتی کا ہر عمل ہاتھ اور آنکھ کی محنت سے جڑا ہوا تھا۔لیکن اب ایک نیا دور شروع ہو چکا ہے — ایسا دور جہاں بیج دیکھنے والی آنکھ انسان کی نہیں،ڈرون کی ہے۔مٹی کا مزاج بتانے والا ہاتھ کسان کا نہیں،مصنوعی ذہانت کا ہے۔زمین آج بھی سچ بولتی ہے،مگر اس سچ تک پہنچنے والے راستے بدل گئے ہیں۔یہی وہ مقام ہے جہاں کاشتکار، مٹی اور مشین کی مثلث عجیب مگر حیرت انگیز ہم آہنگی کے ساتھ مستقبل کی طرف بڑھ رہی ہے۔ مصنوعی ذہانت نے زراعت کو اندازے سے نکال کراعداد و شمار، سینسرز، ڈرون اور سیٹلائٹس کی دنیا میں داخل کر دیا ہے۔ AI اب مٹی کے راز آنکھ جھپکتے بتا دیتا ہے۔آئیے اس کو سمجھنے کی کوشش کرتے ہیں ۔نمی کتنی ہے،کس غذائی عنصر کی کمی ہے،فصل کی جڑ کتنی صحت مند ہے،کہاں کھاد کم یا زیادہ لگ رہی ہے،کب پانی دینا ضروری ہے، FAO کی 2023 کی رپورٹ کے مطابق AI-assisted analysis سے پیداوار میں 20 سے 30 فیصد اضافہ ممکن ہے۔ یہ وہ انقلاب ہے جو پہلے صدیوں میں ب...
ایک تبصرہ شائع کریں
مزید پڑھیں

آسان بزنس آئیڈیاز

آسان بزنس  آئیڈیاز تحریر:ڈاکٹرظہوراحمد دانش دوٹھلہ نکیال آزادکشمیر انسان  خوشحال زندگی گزارنے کی خواہش رکھتاہے ۔لیکن فقط خواہش سے خوشحال زندگی گزارنا ایک خواب تو ہوسکتاہے لیکن حقیقت نہیں ۔اس کے لیے اپنے حصے کا چراغ روشن کرناہوتاہے ۔كاف ی عرصے سے سوچ رہاتھا کہ میں اپنے پیارے قارئین کو مالی اسپورٹ تو نہیں کرسکتالیکن اپنے ان پیاروں کو وہ راستے اور طریقے ضرور بتاسکتاہوں جن کی مدد سے آپ اپنے معاشی حالات کو بہتر بناسکتے ہیں ۔میں وہ طریقے اور آئیڈیاز آپ سے شئیر کرناجارہاہوں ۔جو باآسانی اپنا کر خوشحال زندگی گزارسکتے ہیں ۔آئیے بڑھتے ہیں ۔ گھر کے کھانے کی سروس اگر آپ اچھا کھانا پکانا جانتے ہیں تو گھر سے ٹفن سروس شروع کر سکتے ہیں۔خاص طور پر طلباء یا ملازمین کے لیے ہوم میڈ فوڈ کی ڈیمانڈ زیادہ ہوتی ہے۔ ہینڈ میڈ پراڈکٹس ہاتھ سے بنی ہوئی اشیاء جیسے کرافٹ، جیولری، یا ڈیکوریشن کے آئٹمز تیار کریں۔انہیں آن لائن پلیٹ فارمز پر فروخت کریں جیسے دراز یا فیس بک مارکیٹ پلیس۔ فری لانسنگ گرافک ڈیزائننگ، کنٹینٹ رائٹنگ، یا ڈیجیٹل مارکیٹنگ جیسے اسکلز سیکھ کر فری لانسنگ شروع کریں۔ F...
ایک تبصرہ شائع کریں
مزید پڑھیں