Blog کیا ہے ؟
What is blog
دنیا
میں کیا ہورہاہے اور کیسے ہورہاہے ؟ہمیں کیا کرنا چاہیے ؟یہ وہ سوالات ہیں جن پر
غور کرنا بہت ضروری ہے ۔اگر یہ سوالات سرے سے پیداہی نہ ہوں اور اس کی کھوج نہ کی جائے
تو ہم اس دوڑ میں بہت پیچھے رہ جائیں گے ۔ٹیکنالوجی منٹ سیکنڈ کے ساتھ بدل رہی ہے
۔چنانچہ ہمیں بھی چاہیے کہ ہم update بھی رہیں اور خود کو upgradeبھی
کریں ۔
چنانچہ اسی کوشش کے پیش نظر آپ پیاروں بلاگ کے متعلق معلومات لے کر حاضر ہیں ۔
آئیے
بڑھتے ہیں اپنے موضوع کی جانب :
لفظ
Blogدر اصل ویب لاگ کا مخفّف ہے،جو انگریزی کے دو لفظوں web
and log سے مل کر بنا ہے جو ایسی ویب سائٹس کے لیے استعمال کیا جاتا ہے جس
میں معلومات کو تاریخ وار ترتیب سے رکھا جاتا ہے۔ جس کا مطلب یہ ہے کہ آپ onlineکوئی log bookیا ڈائری مرتّب کر تے
ہیں یا انٹرنیٹ کے ذریعے کسی ویب سائٹ پر loginہو کر کچھ لکھتے ہیں تو اس سارے عمل کو انٹرنیٹ
کی جدید رائج اصطلاح میں ”بلاگ“ بنانا یا بلاگ کے نام سے موسوم کردیاگیاہے ۔
قارئین:
آپ کو مزے کی بات بتاتا چلوں
انفارمیشن ٹیکنالوجی کی دنیا سے شغفت رکھنے والے لاکھوں لوگ اپنے Blogs لکھتے یا دوسروں کے Blogsپڑھتے ہیں اور یہ ایک ٹرینڈ بہت تیزی سے انٹرنیٹ پر پھیلتا ہی چلا جارہا ہے۔ سینکڑوں بلاگنگ ٹولز کی بدولت یہ کام ازحد آسان ہوچکا ہے۔ مزید براں، مختلف ڈیوائسس کے استعمال سے بھی blogلکھنے و پڑھنے کو بڑے پیمانے پر فروغ حاصل ہورہا ہے۔
اس وقت بلاگ اور بلاگ لکھنے والے اتنے مشہور ہوچکے ہیں کہ اب یہ
ٹھیک ٹھاک پیسہ کمانے کا ایک ذریعہ بھی بنتے جارہے ہیں۔ شاید ہی کوئی ایسا مشہور
بلاگ ہو جسے آپ اشتہارات سے پاک دیکھیں۔ لوگوں میں دوسروں کے بلاگ پڑھنے کا رجحان،
اپنے خود کے بلاگ لکھنے سے بھی زیادہ ہے۔ اس لئے بعض اوقات ایسا بھی دیکھنے میں
آیا ہے کہ پوری ویب سائٹ کے مقابلے میں اسی سائٹ پر موجود کسی مخصوص بلاگ کے
ملاحظہ کرنے والے زیادہ ہوتے ہیں۔ اس لئے ایسے بلاگز پر اشتہارات لگا کر ان کی
شہرت سے فائدہ اٹھایا جاتا ہے۔
قارئین :
توپھر
آپ کسی سے پیچھے کیوں رہیں ۔ہم نے سوچا کیوں نہ آپ سے بھی اس مفید معلومات کو
شئیر کیاجائے ۔
Blogکی پہچان بھی ہم جان لیتے ہیں تاکہ جب ہم اس پر کام کرنے
لگیں تو ہمیں blogکے متعلق تشفی بخش معلومات ہو۔
بلاگ کی یہ نشانیاں ہمیشہ یاد رکھیں:
۱۔ بلاگ کی تحریریں تاریخ اور مصنف کے نام کے
ساتھ دکھائی دیتی ہیں۔
۲۔ بلاگ بار بار اپڈیٹ ہوتا ہے۔جبکہ ویب سائٹ کو
ایسے اپڈیٹ نہیں کیا جاتا۔
۳۔ بلاگ میں تبصرہ خانہ یعنی کمنٹس باکس ہوتا ہے
جس کے مدد سے قاری اپنی رائے کا اظہار تبصرہ خانے میں کر سکتا ہے۔
۴۔ بلاگ پر عموماً سروسز یا کاروباری معلومات
موجود نہیں ہوتیں۔
۵۔بلاگ پر معلومات اس طرح شائع ہوتی ہیں کہ نئی
پوسٹ (تحریر)سب سے پہلے نظر آتی ہے۔
۶۔اگر آپ کو پروگرامنگ، لینگویج، کوڈنگ نہیں آتی
تو بھی آپ بلاگ بنا سکتے ہیں۔
۷۔بلاگ کی تحریروں کو آپ اپنی مرضی سے کسی بھی
کیٹگری میں رکھ سکتے ہیں۔اور ٹیگ کے ذریعے منظم کر سکتے ہیں۔
۸۔بلاگ پر معلومات تاریخ وار ہوتی ہے۔ آپ کوئی
بھی مہینہ یا دن سلیکٹ کر کے اس دن شائع ہونے والی تحریر پڑھ سکتے ہیں۔
۹۔زیادہ تر بلاگ کے دائیں یا بائیں سائیڈ پر ایک
سائیڈ بار ہوتی ہے جس میں مختلف ویجٹس کی مدد سے تازہ ترین معلومات، زیادہ پڑھے
جانے والے آرٹیکلز وغیرہ کی نمائش کی جا سکتی ہے۔
۰۱۔بلاگ میں سبسکرائب کرنے کی سہولت ہوتی
ہے،سبسکرائب کے ذریعے آپ کے چاہنے والوں کو آپ کی ہر تحریر بذریعہ ای میل یا فیڈ
فوراً مل جاتی ہے۔
قارئین:آئی
ٹی سے وابستہ مفید معلومات ہم آپ تک پہنچاتے رہیں گے ۔بلاگ لکھنے کے متعلق مزید
مفید معلومات بھی آپ پیاروں تک پہنچائیں گے ۔تاکہ آپ بھی اس دوڑ میں کسی سے
پیچھے نہ رہیں بلکہ اپنے حصے کی کوشش سے اپنی معاش اور مفید کردار اداکرسکیں ۔دوسروں
کی بھلائی کی نیت سے اس معلومات کو دوسروں سے ضرور share کیجئے
گا۔یہ آپ پر ایک علمی قرض ہے ۔
ہماری تحریر سے آپ کو فائدہ ہوتو ہماری مغفرت کی دعاکردیجئے گا۔
نوٹ:آپ
ہم سےعربی ،اردو،انگریزی ٹرانسلیشن نیز پریزنٹیشن و ٹریننگز و ریسرچ کے کام کے
حوالے سے بھی رابطہ کرسکتے ہیں ۔
تحریر:ڈاکٹرظہوراحمددانش
دوٹھلہ نکیال آزادکشمیر
03462914283
تبصرے
ایک تبصرہ شائع کریں