مہنگائی کے طوفان کا مقابلہ کیسے ممکن ہے ؟
2022
میں ہم سانسیں لے رہے ہیں جس جانب دیکھو حالات دگرگوں ہورہے ہیں چہرے پر مایوسی
اذہان پر خدشات اور زبانوں کا مہنگائی کے ترانے جاری ہیں لیکن سوال یہ ہے کیا
مہنگائی مہنگائی مہنگائی کے گیت گانے سے مہنگائی کم ہوجائے گی ؟
جواب
یہی ملے گا کہ نہیں ایسا نہیں ہے ۔تو آئیے ہم حل کی جانب بڑھتے ہیں کہ آخر اس طوفان کا کیسے مقابلہ کیا
جائے ۔
قارئین:
ہمیں اس کا عملی علاج کرنے کی کوشش کرنی چاہئے
مثلاً کم آمدنی والے شخص کو چاہئے کہ صرف ضروری اشیاء کی خریداری پر اکتفا کرے ،
روز روز گوشت اور مرغن کھانوں کے استعمال کے بجائے سبزیاں اور دالیں وغیرہ کھانے
کا بھی معمول بنائے کہ عموماً ان کی قیمت گوشت کے مقابلے میں کم ہوتی ہے اور یہ
صحت کے لئے مفید بھی ہوتی ہیں۔
اپنے آپ کو اور بال بچّوں کو سادہ غذا اور
سادگی کے ساتھ زندگی گزارنے کا عادی بنائے اس سے دیگر فوائد کے ساتھ ساتھ اسپتالوں
کے چکر لگانے اور ڈاکٹروں کی فیسوں اور دواؤں پر آنے والے خرچ سے بھی بچت ہوگی۔
مہنگے موبائل فون ، لیپ ٹاپ اور ٹیبلیٹ پی سی وغیرہ کے بجائے حسبِ ضرورت سادہ
موبائل فون سے کام چلا لیا جائے۔
اگر
کھانے پینے کی چیزوں میں سے کوئی چیز مہنگی ہوجائے تو اُسے ترک کرکے دوسری نسبتاً
سستی چیز خرید لے۔ اس علاج سے متعلق2حکایات بیان کرتا ہوں : (1)ایک مرتبہ مکّۂ
مکرّمہ میں کشمش کی قیمت بڑھ گئی۔ لوگوں نے شیرِ ِ خُدا حضرتِ سیّدنا علیُّ
المرتضیٰ کَرَّمَ اللہُ وَجہَہُ الْکریم سے
اس کی شکایت کی تو آپ رضیَ اللہُ عنہ نے
فرمایا : تم لوگ کشمش کے بدلے کَھجور استعِمال کرو (کیونکہ جب ایسا کروگے تو
مانگ کی کمی کی وجہ سے) کشمش کی قیمت گِر جائے گی۔ (تاریخ
ابنِ معین ، ص168) (2)حضرتِ سیّدُنا ابراہیم بن اَدْھَم رحمۃُ
اللہ علیہ سے کسی نے کہا : گوشت مہنگا ہوچکا
ہے (کیا کرنا چاہئے؟) آپ رحمۃُ اللہ علیہ نے
فرمایا : اِسے سستا کردو یعنی اسے خریدنا چھوڑ دو۔ (رسالہ
قشیریہ ، ص22)
گھریلو اخراجات کم کرنے کا ایک طریقہ یہ بھی
ہوسکتا ہے کہ استعمال کی چیزوں کی خریداری کے لئے جانے سے قبل ضَروری اشیاء کی
فہرست بنائیے اور اس کا بغور جائزہ لیجئے کہ کیا واقعی ان سب چیزوں کی ضرورت ہے
اور ان کے بغیر گزارہ مشکل ہے؟
قارئین:
ہم آپ کو مخلصانہ مشورہ دے رہے ہیں اگر آپ نے اس
مہنگائی کا حل نہ سوچا تو آپ بڑی پریشانی کا شکار ہوسکتے ہیں ۔خدارہ پیش کردہ
باتوں کو ذراکرکے تو دیکھیں ۔میرے پیارے اللہ پاک نے چاہا تو آ پ پریشانی کا
سدباب کرسکیں گے ۔
نوٹ:بجٹ مینجمنٹ اور آمدنی کے اصولوں اور طریقوں کے
حوالے سے مفید اور ماہرانہ رائے کے حوالے سے آپ بلا جھجک رابطہ کرسکتے ہیں ہم فی
سبییل اللہ آپ کو مشورے دیں گے ،آپ ہمارے اپنے ہیں ۔آپ ہماری مغفرت کی دعا
کردیجئے گا۔
تحریر:ڈاکٹرظہوراحمددانش
دوٹھلہ نکیال آزادکشمیر
رابطہ :03462914283
تبصرے
ایک تبصرہ شائع کریں