وقت کا جادوThe magic of Time
بہت ہی قیمتی ،بہت اہم چیز۔جس کے گرد زندگی گھومتی پھرتی ہے ۔جس سے جڑے ہیں زندگی کی سانسوں کا تسلسل۔جس نے اس قیمتی شے سے لاپرواہی برتی آسمان دنیا نے ایسوں کو پریشان اور نادم دیکھا۔جی قارئین :ہم بات کررہے ہیں وقت کی ۔
یہ وہ تیر ہے جو ترکش سے نکلاتو پھر پلٹنے کو نہیں ۔کسی شاعر نے کیا خوب کہدیا
وقت رہتا نہیں کہیں ٹک کر
عادت اس کی بھی آدمی سی ہے
کسی دانا نے وقت کے متعلق کتنی خوبصورت بات کی ۔
جو شخص اپنے وقت میں سے ایک گھنٹا ضائع کرنے کی جرات کر
لیتا ہے، اس نے زندگی کی قدر و قیمت پہچانی نہیں ہے۔
اسی طرح ایک دانشور نے کی عمدہ بات کہی ۔تم دیر کر سکتے ہو، وقت دیر نہیں کرے گا۔
وقت کی اہمیت کو کتنے خوبصورت پیرائے میں کسی نے پیش کیا
۔عقل حیران رہ جاتی ہے ۔کہا کہ :
زندگی دانا کے لیے خواب، نادان کے لیے کھیل، امیر کے لیے
طربیہ اور غریب کے لیے المیہ ہے۔
قارئین :اب ذرا قدرت کے نظام کو دیکھ کر اوقات کار اور
وقت کی اہمیت جان لیجئے ۔
سورج وقت مقررہ پر ہی ہمیشہ طلوع اور غروب ہوتا ہے۔
موسم اپنے اپنے وقت پر آتے ہیں۔ درخت اور پودے مقررہ اوقات پر پھل لاتے ہیں نیز
فصلیں مقررہ وقت پر پک کر تیار ہوتی ہیں اور اگر قدرت وقت کی پابندی چھوڑ دے تو اس
کائنات کا سارا نظام درہم برہم ہوجایے۔
ذرا وقت کی افادیت کے حوالے سے شاعر کی بات تو سنیں :
اک سال گیا اک سال نیا ہے آنے کو
پر وقت کا اب بھی ہوش نہیں دیوانے کو
جی قارئین:وقت بہت قیمتی چیز ہے اس کی قدر کریں ۔کیوں
کہ یہ ایک مرتبہ گزر گیا تو پلٹ کر واپس نہیں آئے گا۔۔آپ وقت کی قدر کریں وقت
آپ کی قدر کرے گا۔۔کامیابی ،راحت ،تسکین آپ کا مقدر بن جائے گی ۔تو پھر ابھی ہی
فضول کاموں سے جان چھڑائیں اپنے وقت کا مصرف اچھے کام بنالیں ۔۔۔۔اس سے قبل کے وقت
گزر جائے اور ہم اس دنیا سے گزر جائیں اور پھر کچھ کرنے کی مہلت بھی ختم ہوجائے
۔۔۔۔
وقت کی موج ہمیں پار لگاتی کیسے
ہم نے ہی
جسم سے باندھے ہوئے پتھر تھے بہت
...........................................................
وزٹ کریں مفید اور دلچسپ ویڈیوز کے لیے :
https://www.youtube.com/channel/UCIZksaAc3F09PVitYlaHKAA
تحریر:ڈاکٹرظہوراحمددانش
تبصرے
ایک تبصرہ شائع کریں