بچوں میں محبت قرآن پیداکرنے كے دلچسپ طریقے تحریر:ڈاکٹرظہوراحمددانش (دوٹھلہ نکیال آزادکشمیر) بچوں کے دلوں میں قرآنِ کریم کی محبت پیدا کرنا والدین اور اساتذہ کے لیے ایک عظیم ذمہ داری ہے۔ اگر بچپن سے قرآن سے محبت کا جذبہ پیدا کر دیا جائے تو بچے دینِ اسلام کے ساتھ مضبوط تعلق قائم کرتے ہیں اور اخلاقی و روحانی طور پر بہتر زندگی گزارتے ہیں۔ ذیل میں کچھ مؤثر طریقے پیش کیے جا رہے ہیں : بچوں کے سامنے قرآن کی تلاوت کرنا بچوں کو چھوٹی عمر سے والدین کی تلاوت قرآن سنتے رہنے کا موقع دیں۔ روزانہ تلاوت کا وقت مقرر کریں تاکہ بچے عادت بنائیں اور قرآن کے الفاظ کے ساتھ مانوس ہو جائیں۔ خوش الحانی سے قرآن پڑھنا خوبصورت آواز میں تلاوت بچوں کے دل پر گہرا اثر ڈالتی ہے۔ بچوں کو ترغیب دیں کہ وہ بھی خوش الحانی سے تلاوت کرنے کی کوشش کریں ۔ مشہور قراء کی تلاوت بچوں کو سنائیں تاکہ وہ قرآنی آیات سے محبت محسوس کریں۔ قرآنی کہانیاں اور واقعات سنانا قرآن میں موجود حضرت یوسفؑ، حضرت موسیٰؑ، اور دیگر انبیاء کے واقعات بچوں کو آسان زبان میں سنائیں۔ ان واقعات سے اخلاقی اور تربیتی سبق سمجھائیں تاکہ بچے قرآن کو